سكة سفر
.................
سكة سفر
فى الغربة عشناها
تضنى القلوب
من الوحشة والوحدة
وفى ليلى
تسيل الدموع
على وسادة خالية
من الدفء والحنية
وليل. أسي بلا رفيق
وعمر ضايع مستنى خريفه
والسلام من بعيد أشارات
وفكر شارد ودم بارد
وطيور فى الفلا مهاجرة
بتدور عن الرفيق
........
وانا بلا شاطىء ولا مراسيل
وتاهت منى كل العنواين
والقلب بعد الحب صبح مسكين
يشكى للعقل لوعته
والعقل بلا تفكير
حتى الذكريات صبحت
نقط فى برواز
بلا معنى ولا احساس
........
ايه تانى بعد الغربة
وانا الجانى
وصبحت مسجون
وانا سجانى
ولماجيت ألملم منى
الباقى
ملقتش غير حطام واهى
ورجعت ادور تانى
على سكة سفر
وربيع وذكرياتى
.........
محمود خلاف
ليست هناك تعليقات:
إرسال تعليق