عيد صدام العلالقه

 يارب

عايش في الدنيا مليش ذكري

لا أبن جاني ولا فرحة تلازمني

ورغم ده كلو مليش دمعة

بضحك للدنيا بداري وجعي

طالب يارب انا منك 

     وقت الشدة تكون جنبي

عيد صدام العلالقه

الشاعر محمد أحمد إسماعيل

 لو كنتْ بتسألْ كنت عِرفتْ

أنا عِشت ومُت.. ومُت وعِشتْ

وبكيت ياما.. وقليل ما ضحِكتْ

وسرَحتْ ف ميت مليون سِكَّة

ورجِعت وحيد.. ولا مرَّة ارتحتْ

حبِّيت وعانيت وشكيت ما لقيتْ

حضن يطمِّن ولا قلب حَنين

على كل بيبان الشوق دقّيتْ

والرد يكون.. "ارجع يا حزين"

وف كل نهار شبّيتْ على فُوق

يسحَبْني الخوف والشقا.. على تحت

والبحر غواني رمَى لي الطُّوق

نَطّيتْ.. غرَّقني.. حدفني.. سَبَحْتْ

ووَصَلتْ لأبعد نُقطة موت

وانا كنت باظن النقطة حياة

فَلفَصْتْ بْبَدني ابن الملكوت

ما لقيتش ف روحي شراع لنجاة

من كل سبيل في الكون دا قرِفتْ

منِّي ومنَّك.. يا شقيق كداب

يا عَطَش مَوهُوم.. مَحكُوم بسراب

بيني وبينك خطوة أعتاب

بيني وبينك دقة ع الباب

وانت بتبعد.. والباب أهو شاب

وانا مُت وعشت.. وعشت ومُت

مِنِّي الدنيا.. وانا منها قرِفت

وانت بتلوم على أحزاني؟

على موتي وبياض أكفاني

لو كنت بتسأل كنت عرفتْ

د.علي العجمي

 يا هالوطن

يا هالوطن صامد ما همو الريح

يمكن تزيح الكاينة من شروشها

لكن إنت

هيهات ما بتزيح

بتختير الإيام 

ع حفافي العمر

والعز عالي بقلعتك

يهدر بوج المعتدي ويصيح

يا هالوطن 

يا الـ وهج عزمك ما اندمل

ومن القهر 

عمَّرت الأمل فوق الأمل

ولما الشمس بتغيب 

من خلف الدني

بيطلع قمر ع ترابك 

يشتي عسل

يا هالوطن 

سلطان قلبك ما قلب                       

والعز من نبعك 

غَرف مَيْ وشِرِب

ولما بعتم الليل 

تطلع صرختك

بتصير تضوي شموس 

ببلاد العرب

يا هالوطن 

ما ضاع حقك 

ما هرب 

سيفك جلا 

سيفك علا 

سيفك ضرب

المجد اللي عرّش 

فوق روس جبالنا

بيضل أغلى مجد 

بكتاب انكتب

من حد ريف العين 

مرقت غيمتك

وزخة عطر ع الريح 

تمطر ديمتك

ولم البطولة تصرخ 

تنادي تعو

بشوف المجد 

راكض تـ ينصب خيمتك

ولما إله الكون 

كوّن هالدني 

خرطش بحبر العتم 

ورقة ملونة

صار الشعر 

ينزف مدن 

يكتب دول

وكنت القصيدة 

غالية ومولدنة 

ويا هالوطن

يا الـ زلغطوا عيونك 

متل رف الحمام

جن الهوى 

والليل مش عارف ينام

وفار العشق بالقلب 

متل العاصفة

وصار الشعر يكرج 

على عتاب الكلام

د. علي عجمي

(في تقديم أمسية الشاعر الأب فاخر موسى في المركز العربي الأميركي للثقافة والفنون)

الشاعر ا محمد احمد اسماعيل

ذكرى

ــــــــــــــــــــ

 دولة بوِشّين

إلى شيماء الصباغ

 شهيدة الوردة

............

أنا شفتِك فين؟

شفتِك ف كتاب سنة أُولى

وردة بتحنِّن رِمش العين

ع الضحكة المشغولة بلون الياسمين

وردة مصرية بضفيرتين

جات قعدت جنبي على التَّختة

ورمت لي ف حِجري عِنَب طايب على شجرة تين

..........

أنا شفتك فين؟

شفتك في الشارع بنُّوتة

هربانة من روح حدوتة 

غنوة عصفورة بغمازتين

....

أنا شفتك فين؟

شفتك بتلمِّي البحر المالح بشفايف الحبْ

وبسر عيونك بيسلِّم.. وبيصبح عَذبْ

وبيطرح ضلعه النخل العالي على الشطين

والنيل بيشاور ع الشهدا في ميدان القلبْ

.....

شفتك في ميدان ماسك وردة

عمدان كهربا واقفة وشاهدة

والطير بيلاغي ندى الخدين

....

و فْ صف النور شفتِك أَوْلَى

ف كتاب النور شفتك دولَةْ

والدولة التانية القناصةْ 

كات واقفة تراودك برصاصةْ..

عميا.. ف إيدين يابسين حاقدين

دولةْ وردة.. ودولةْ رصاصةْ

شفتِ يا شيماء؟

شفتِ يا بنت النار والنور.. 

.. دولة بوشين؟؟

بقلم الشاعر الكبير محمد احمد اسماعيل 

بقلم الشاعر الكبير محمد احمد إسماعيل

أنا ما باخافش م الموت

*****

أنا ما باخافش

 م الموت
!

أنا خايف م الحياة

!

ما هزمنيش أي صوت
!

لكن سيف السكوت
!

وخناجر الحناجر
!

وريحة المشاعر
!

ف قلوب ناسها 

الجبانة
!

قتلتني بالخيانة
!

وانا باختم الصلاه
!

ف جنازة البيوت..
!

بقلم الاديب محمد احمد إسماعيل

بقلم الشاعر محمد احمد إسماعيل

الفلاح أصلي وفصلي

جدر الروح وعمود الخيمة
ف وطني الأصلي
عنوان مصر وشَدة حيلها
ضهر الخير مفرود على نيلها
شمس العزة اللي بتشرق على أهلي
أول إيد بالجود تتمد لكل الناس
أول باب ع الخلا مفتوح
ولا له حجَّاب ولا له حراس
تسبيحُه شقاه وغيطانُه الجاه
زرعُه صِباه وعروقُه حياه
عَرقُه اللولي ومية محاياه
ودراعه الفاس
و ف وقت العوزة بيبقى سلاح
أول في الصف ف كل كفاح
ولا كَلّ صفاه
ولا مَلّ عطاه
وتكالُه تملي على مولاه
بساتين القمح ف أرض الله
والقطن الضاحك ضيا ونّاس
والنخل العالي وضله وسيع
والصحرا يخطي عليها بتبقى الربيع
...............
سلطان نفسه وملك الأيام
وعنيه فدادين غلة وأحلام
ع النيل حكاياته مبدورة
أصل وحواليه مليون صورة
طول عمره مصاحب لشادوفه
ولا ضل طريقه ف يوم شوفه
يسقي الأيام من ندا جوفه
وينام تحت السما والسما ساتراه
في الحرب محارب له سطوة
في البُنا بنَّا وصاحب خطوة
والفلاح روحه طرية زي الخص
وزي التوت
لو روحه أسيرة بتموت
حُر ويفرح لما بيبني لنا
من ضِلعُه المَحنِي بيوت
ـــــــــــــــــــــــــــــ

عيد الفلاح المصري وتاج راسنا 9 سبتمبر
اللوحة جدارية للفنان المصري محمود مختار

د.محمود ملك الأصفر

عنا بالدار
..........................................
يا أمي الورد الجوري مفتح نوار
بحسنو طل بجمالو خطف الأنظار
وحطت عنا اليمامة وطير الوروار
عم يغنو بأصواتن أجمل أشعار
..........................
شوفي بهالليلة شوفي جاي الحسون
واقف فوق الجورية وهوه مفتون
عم يبدع ويغنيلا أروع لفنون
والشحرور والكناري عنا زوار
...........................
قومي شوفي يا أمي طير الكروان
واقف ع غصن الجوري وهوه هيمان
عم ينشد أحلى غناني وأعذب ألحان
جاية هوه ورفقاتو يعمل مشوار
.............................
قومي شوفي البلابل جاية بكير
وعصفور الدوري عنا يرفرف ويطير
والدنيا صارت جنة وشو حلوة كتير
واليوم اجتمعت عنا كل الأطيار
.............................................................
د . ملك محمود الأصفر

بقلم يوسف ونيس مجلع ايطاليت بريشيا

اصدقائى الاحباء وحشتووووووووووووونى اهدى لكم جميعا كلمة  تعبيرا عن مشاعرى نحوكم

يا اصدقائى و كل حبايبى -------- يا ورد و فل فى دربى

ياساكنين الوفاء فى قلبى ------- يامالكين الصفاء فى حبى

يا نسيم عليل ريحه وردى ------- يا نعيم جميل لونه بمبى

يا در الافراح فى وجدى -------- يا سر الانشراح فى قلبى

و الله يا احباب ما بيدى ------------ ولا كان الغياب زنبى

والله منايا و ودى -------------------- القاكم معايا وجنبى

اغنى حنينى يا وعدى ---------------- واهنى عينى وقلبى

ارجو ان 
 يوسف ونيس مجلع

فيصل الزبيبي

اصل الحكاية
اصل الحكاية فى  الصعيد نبتنا
من الجيزة لسوهاج لاصل الجود قنا
قال الكبير عزة النفس فينا غنى
اصل الحكاية صعيد معجون فى دمنا
رغم الشدايد عشنا كبار ولاهمنا
عمتنا تاج مرفوع وكمان كفن لاولاد الزنا
اصل الحكاية جدود واصول خالنا وعمنا
عارفين يعنى اية وطن والوطن فى الاصل امنا
رضعنا الموت مانخاف ولاحد فى يوم ذلنا
نفسنا نار تحرق  ومانرضا الذل لو القبر ضمنا
                 اصل الحكاية
اصل الحكاية صعيد فيه الادب والجود
اسيوط تحكى وجرجا تقول لزمان عود
برديس لما تحكى ضهر الصعيد مسنود
وجهينة قول يازمن الرجالة والجدود
والبدر لما بقا شين امتى بدرك يعود
اصل الحكاية صعيد ورجال سكنوالحود
                   يابلد
يابلد صعيدك ما مات والرجال بعدها حية
دور تلاقى زين الرجال فينا موش الرجال النية
راجل يموت بقبيلة وراجل خسارة فية الدية
راجل تسقية بكفك وراجل خسارة فية المية

فيصل الزبيبي

بقلم عاطف محمد بيومي

متقلقيش
انا اللي زيي مش بيعرف يخون
ولا يلعب بمشاعر حد
قلبي البرئ بيعرف يصون
وعامل للخيانه سد
متقلقيش
انا متخلقتش ااذي انسان
وبالعواطف ادمره
انا الحب عندي كيان
ومن المستحيل اخسره
انا اللي بيحلف بوفائي كل قلب
اني باخلاصي بعمره
وكمان مفيش مني اتنين
يااغلي من ضي العين
انا غيرك بالدنيا مليش
عمري ما اخونك واجرحك
وانا حاطط اختي مطرحك
عمري ما خدك خشبه مسرح
امثل فيها اني شاريك
فاعلشان كده
بالحب حابب معاكي اعيش
ياريت تاني مره متقلقيش
وبعواطفي اتجاهك متخفيش
انا مش جاي اسيبلك جرح واهرب
انا جاي بس من اجل السعاده
تفضل معاكي ومتنتهيش
جتلك وعارف يعني اي
معني انكسار
جتلك و عارف
انك عيشتي حياه دمار
جتلك و عارف يعني اي
بركان ونار
كنتي عايشه فيهم وللأسف
كان اختيارك
خوفك من كلام الناس
ومش همك دمارك
والندم بتتعالى عليه
ومش فارق معاكي يحصل ايه
خايفه من دنيا قاسيه
بس كل اللي بتقوليه
انا اعمل ايه
ما الكل عايش ومصاحب الاحزان
محدش من ظلم الحياه
مات وارتاح
الكل عايش و بيصارع قسوه الزمان
مجتش عليا اني الجرح يكون مباح
من غير م تقولي باقي القصه انا عارفها
ان في واحد تاني كان فيها بس ناسفها
سنين من العمر كان عايش يألفها
واخد هو دور البطل وانتي الكومبارس
وانتي في نهاية القصة المظلومة
لكن انا غير القصه المكتوبة
لانك انتي بالنسبالي انا
ربنا في السما وانتي ف الارض
ياللي حبك بيوازي عندي
الدنيا بالطول والعرض
انتي اللي مكتوبالي في الحياه
زي ما انكتب عليا الفرض
يشهد عليا افعالي
يشهد عليا واهتمامي
يشهد عليا سهر الليالي
اني حبييتك من قلبي يا غالي
اشهرت لكل بنات حوا
اني مكتفي بحبك
ومقرر بيه اعتزالي

الشاعر عاطف بيومى محمد

كلمات الشاعر محمد ثروت

سيادة المحافظ 

جناب الوزير
ببلغ ساعتك
 غياب الضمير
فى كل المصالح 
بتعلى المصالح
ومات عم صالح 
وداسوا الفقير
فلو مش ساعتك
 تطهر   بيدك
هنصرخ فى عرضك 
ويعلى النفير
رشاوا وفساد
 فى  حق العباد
وزاد   العناد 
  وجهل   البعير
مدارس خراب
فى خندق سراب
ورقوا الغراب
فأصبح مدير
وخلوا اللى رايح
يقول للى جاى
تكسل تبرطع
هتحبس بشاى
ووسط الأونطا
تتوه ألف غلطه
وسلك  تسير
وصوت الضفادع
فى هرى الأغانى
وحلمى اللى راكع
فى كل القهاوى
بيصرخ ضرير
وشرب البلاوى
وكيف اللى غاوى
وقاصد وناوى
يبلطج كتير
ببلغ ساعتك
بصوت الشاشات
ومسرح وسيما
بيغروا البنات
وكل الرذيله
وحق اللى مات
وناس قاعده تهدم
فى كل الحاجات
ومصر الجميلة
ب ماضيها اللى فات
فى صوت المأدن
وصاوت الكنايس
وأزهر بيبنى
فيعلى اللى دارس
وفرحة زمان
وخير المكان
وأمن وأمان
وواقع مرير

كلمات الشاعر محمد ثروت

هذا النص العبقري للشاعر الكبير أمل دنقل

"محاولة لضرب البحر الراكد بعصا الوعي القاسية"

هذا النص يحتاج ملحنا مصريًا فذًّا لصياغته نشيدًا بليغًا دالًّا على روح مصر العميقة الوثابة المتجددة..
فهل....؟؟؟
فهي لا تقل جمالا عن الجندول وكليوباترا والنهر الخالد
بمناسبة مرور 5220 سنة على قيام أول دولة مركزية موحدة على ضفاف النهر الخالد 
محمد احمد إسماعيل 
ـــــــــــــــــــــــــ

مصر لا تبدأ من مصر القريبة
إنها تبدأ من أحجار (طِيبة)

إنها تبدأ منذ انطبعت
قدمُ الماءِ على الأرض الجديبة

ثوبها الأخضر لا يبلى إذا
خلعته... رفت الشمس ثقوبه

إنها ليست عصوراً فهي الكل في
الواحد، في الذات الرحيبة

أرضها لا تعرف الموت فما
الموت إلا عودةٌ أخرى قريبة

تعبر القطرة في النيل فمِن
حولها الرقص وأعياد الخصوبة

فإذا البحر طواها نفرت
واسترد الماءُ في الوادي دُروبه

وأعاد الماء للنيل هُروبَه
واسترد الماء في مصر العذوبة

فسقى النيل بهِ ـ ثانيةً ـ
ظمأ البحر إذا ما مدَ كُوبَه

هكذا شعبكِ يا مصر له
دورة الماء ونجواه الرطيبة

مات فيه الموت يوما فابتنى
هَرَما للموت يستجلي غيوبه

أبداً يبني ويأتي غيره
ناشراً فيه أساه وحروبه

فإذا راح ابتنى ثم ابتنى
فانثنى الغازي إليه بالعقوبة!

وكأن الذُلَ في الشعب ضريبة
وابتسام الصبر قد صار ذنوبه

وكأن الدمَ نِيلٌ آخرٌ
تستقي منه الرمال المستطيبة

كل أبنائكِ يا مصر مَضوا
شهداء الغدِ في نُبْلٍ وطيبة

الذي لم يقضِ في الحرب قضى
وهو يُعطي الفأس والغرسَ وجِيبه

والذي لم يقضِ في الفأس قضى
حاملاً أحجار أسوان الرهيبة

اسمعي في الليل أناتِ الأسى
اسمعي حزن المواويل الكئيبة

إنها أسماء من ماتوا ولم
يبرحوا القلب فقد صاروا نُدوبه

سيعودون فلا تبكي فما
يرتضي المحبوب أن تبكي الحبيبة

أتُرى تبكين من مات .. لكي
تستعيدي راية الفكر السليبة

والذي مات لكي ينفث في
كل قلبٍ ناشئٍ حرف العروبة

ولكي يحتضن الطفل حقيبة
ولكي تقتات بالعلم الشبيبة

ولكي يهوي حجاب الخوف عن
روح ربات الحجال المستريبة

ولكي يُرفع سيف العدل في
وجه أبناء المماليك الغريبة

والذي لولاه ما مرت لنا
ـ في عبور النار للحرب ـ كتيبة

أتُرى تبكين يا مصر؟ أنا
لستُ أبكيه وإن كنتُ ربيبه

شرف الأبناء أن يمضي أبٌ
بعد أن قدم للمجد نصيبه

شرفٌ للأب أن يمضي فلا
تعتري أبناءَه الروح الزغيبة

إنما يبكي ضعاف الناس إن
عجزوا أن يدركوا حجم المصيبة
ـــــــــــــــــــــــــ

أمل دنقل

نبيل عبيد

لا يا صغيرتي
كفكفي تلك العبرات 
فالقمر لا يمطر
دعي البكاء للغيوم
يحق لك تبتسمي
فالفرح وجد للحسناوات
و عن دربهن لا يدبر
و تخجل ان تقربهن الهموم
و انت يا صغيرتي
قمر تعجز عن وصفه كلمات
وجهه العيون يبهر
تتلالا بضياه  النجوم

نبيل عبيد

كلمات اسامة فؤاد حنا

صدقنى بجد     
صدقنى بجد ...
 فيك حاجة غريبة تشد...
 مش عارف هى ايه ... 
ولا تسالنى ازاى وليه
انت حلم حياتى ... 
ولا شفت زيك حد
بالساعات افضل مستنى ... 
وجنبك فرحان متهنى
وساعات ابعت مراسيل ... 
وبشوقى استنى الرد ...
اياك يا حبيبى تنسى ...
 وقلبك عليه يقسى
خلينى دايما فى بالك ... 
ولا تقطع حبل الود ... 
المح فى عينيك واشوف ... 
الدنيا والف واطوف 
واعيش اجمل احساس ... 
حب ولعب وجد .... 
وابص فيك واتامل ....
ونار الشوق اتحمل
اعديلك بحور وجبال... 
وكل الجسور تتمد 
واذا بعدت عنك ثوانى ...
 اشتاقلك وارجع تانى
يا قلبى وكل كيانى ... 
يا اجمل صحبة ورد  ... 
مش ممكن راح اسيبك ..... 
انا بختك ونصيبك
واجيلك وقلبى اهديلك ..... 
ولو بينا الف سد .... 
الناس بتحسدنى عليك ...
والعشاق كلها حواليك
عايزة تفرق ما بينا ....
 واياك تصدق حد ..   

  
   كلمات اسامة فؤاد حنا

بقلم مصطفى دسوقي

و في حضنه راحت تبكي
وتشكي م الأحزان
وعشان يا ناس إنسان
دمع على بكاها
وتاه منه جواها
ومعرفش يعمل إيه
هيواسي نفسه يا ناس
ولا يواسيها
الوردة دبلانه
عطشانه شوق وحنان
بتموت ما بين أحضانه
ودموعه تحييها
ويزيد إحساسها
غصبٍ عنها
ف يخرج قولها
حاربت الدنُيا علشانك وحبيتك
وعاهِدتك وأمَنتك وأمِنتك
وخدتك ضهر يحميني
وحلفتك يمين بالله
تصون العهد
وجيت وحلِفت
١٠٠ ميت مره
تصون العهد
لكنك خُنت
وما جتش الطعنه
غير منك
حاولت أنسي بإنك خاين
وماقدرتش
وحاولت كتير أداوى الجرح
ماعرفتش
وحاولت أنساك لكني فشلت
وآه منك
وآه منك بمليون آه
تشق في قلبي وادي جراح
وتجريه بحر نار جواه
وآه منك بمليون آه
عشان الآها م الأحباب
ماهياش بس قولت آه
وهي فكرها شارد
يرد ورده كان بارد
ما تكلميش نفسك في نفسك
وإحساسك يكون مسموع
ده شئ ممنوع
عشان حسك ده نقطة ضعفك
فداري الضعف جواكِ
ماتظهريهوش
هيهدك آه ويبنيكِ
 لكن جواكِ مش باين
وإيه يعني الحبيب خاين
وإيه يعني الحبيب خاين
ما ميت مليون حبيب خاين
وميت مليون حبيب متخان
وميت مليون قوليب متهان
وشارب مر م الأحباب ومتعذب
وشارب م العذاب ألوان ولا اتكلم
وإيه يعني الحبيب خاين
خلاص غلطه
غلطنا غلطه وسببها
قلوبنا منها تتألم
ولازم إننا نغلط
عشان تاني مره نتعلم
خلاص
فتره في عُمرنا وعديت
بنينا أمالنا واتهدت
لكن ماشيه حياتنا مش واقفه
وعادي هكمل سكتي لوحدي
ومش خايف
ولابد تكونِ مش خايفه
أنا عارفك أنا عارفك
صابوره ومؤمنه بربك
وعارفه قضاءُه ده قدرك
أنا عارفك
وعارف إن أنا بسببي
جراح الدنيا دي في قلبك
لكن عارفك
سفينه في بحرموجُه عالي
بتخبط فيكِ ب العاني
لكنك واقفه بتحاربي
صحيح مليتي وتعبتي
لكنك رافضه تتهزمي
ف بتعافري عشان تنجي
وفاكره حبنا أبدي
وإني الفارس الناقذ
غريقه ماسكه قشايه
وحبك ليا مش مُنجي
فلازم حبنا تنسيه
عشان تكمل حياتك بعدي
لازم حبنا تنسيه
عشان قلبك ماهوش ناقص
بإن أتمادي في القصه
وبرضو حياتنا مش ناقص
فلازم حبنا تنسيه
عشان تكمل حياتك بعدي
 بقلم ‏..مصطفى دسوقي..ش

بقلم يوسف ونيس مجلع --- ايطاليا بريشيا

اصدقائى الاحباء هذه الكلمة كتبت من قلب الاحداث واذيعت تليفزيونيا  فقط فى اكتوبر 2013

وقبل ان تذاع اضيف لها بعض الابيات التى تدعم الوحدة الوطنية والتى لو كتبت

وقتها لما كان لها معنى لان الوحدة الوطنية كانت حالة يعيشها المصريين دون التفكير فيها

او الحديث عنها---الكلمة بالعامية بعنوان شاهد عيان

من ذكريات جندى شاهد عيان ------------ كان له شرف الوجود فى الميدان

شاف البطولات لجيش الشجعان -------- اللى درسها التاريخ وغناها الزمان

حسن و جرجس و رمضان ----------------- اللى دمهم اخطلت فى الميدان

كتب ملحمة لكل الازمان ------------------ مصر يامالكة الروح والوجدان

------------------------------------------------------------------------------

اقول ايه ولا ايه عن الاعجازات -------- عن بواسل غيرو قواعد ونظريات

لا صواريخ ولا سرعة طيارات ---------------- ولا مدافع ولا وزن دانات

ولا تكنولوجيا و قوة ترسانات ----------- اللى قالوا هدمه رابع المستحيلات

بارليف اسطورة التحصينات ------------ جبل الحديد و اطنان الخرصانات

انهار تحت رجلينا مخدش ساعات ------ بايمان مالينا النصر باى تضحيات

-----------------------------------------------------------------------------

بعد النكسة ظهرت كئابة السحاب ----------- والوكسة شمتت باظافر وانياب

قالو مصر وقعت ونهارها غاب ------------- بعزها اتهزمت ومجدها شاب

و الدنيا اندهشت عجب واعجاب --------- لما شمسها طلعت فى عز الشباب

انتصارتها رجعت باصرار غلاب ------- القناة صالحت ولادها بدون عتاب

وسيناء حضنت جنودها الاحباب ----------- حضن العاشق بعد طول غياب

----------------------------------------------------------------------------

اللى انحنى على التراب باسه -------------- واللى بالشكر عبر عن احساسه

واللى بيدمر الاهداف بحماسه ------------------- لا همه العدو ولا متراسه

واللى زرع العلم باخر انفاسه ----------------- فخور مبتسم و رافع رائسه

النصر شافنا عمدان فى اساسه --------------- والمجد عرفنا عزوته وناسه

---------------------------------------------------------------------------

كنا فدائيين الروح على الكف امارة ----- لما طاش ملايين الرصاص بغزارة

ما اتنقاش المسلمين او النصارى ----- ما التقاش غير المصريين بس بجدارة

شجعان مليانين عزم وجسارة ---------- عازمين العبور حتى بدون عبارة

عارفين قد ايه التحديات جبارة -------- مؤمنين الشهادة مكسب مش خسارة

--------------------------------------------------------------------------

وسط الغام اخطر من الزواحف ----------- ومخاطر زحام بالارواح جاحف

بعزيمة كانت فى قلوبنا تتضاعف ------- استمر جيش النصر بايمان زاحف

قلبه عمران صلبان و مصاحف --------- والعدو هربان على اربعة ساحف

بسرعة غزلان و رعب سلاحف ------- تارك عتاد الوان عملنا منه متاحف

--------------------------------------------------------------------------

هنا من مصر الجميلة الوحيدة ------------ مصر الصابرة الاصيلة العنيدة

هنا من ساحة اكتوبر المجيدة ---------------- تحية اجلال للاجيال الجديدة

اجدادكم بسماحة الحب الشديدة -------------- ضحوا بنفوس راضية سعيدة

داسوا جراحهم ضحوا بارواحهم ------------- لاجل بسمة الحفيد و الحفيدة

بقلم  يوسف ونيس مجلع --- مصر   

صبري كامل

 الهدهد الرغاي

مالي أراك يا هدهد إلى ساعيا ----

أ بأخبار مصر إلي أنت أتيا

نظر إلى والدمع بعينيه جاريا ----

ألم يصلك خبرها أكنت لاهيا

ألم ترى الجوارح بسماها ساريا ----

تنهش أجساد علي الطريق ملقيا

ألم يصلك نحيب الشباب مولولا ----

والرجال من الإغتصاب باكيا

ألم تسمع لبطون الجياع تقيئا ----

من هواءها بديلا عن قديدها

أتعلم أهلها أكلوا من أجسادهم ----

حتي تراءت للكفيف عظامها

أتعلم إن الحلوق جف ريقها ----

حين جفت المياه من نيلها

قلت كلا يا هدهد فأنت باغيا ----

فأنا كسليمان أعرف خبرها

فمصر لو تكالبت عليها الجوارح ----

فيها رجال حق عنها يدفعا

الله قد أبلغنا عن أمنها و خيرها -------

فمصر تعلو سبا و خيرها جاريا

صبري كامل

احمد الجندي

''نفسي أتوب''

نفسي إيدي تدق بابك
بين إيديا ضعيف وعاجز
والطريق ناحية رحابك
كان طريق مليان حواجز 
نفسي أكون لك عبد صالح
مش أناني بتاع مصالح
بس ما قدرتش أصالح
بين إيماني وبين طموحي
قلبي تاه ف الدنيا مني
وابتديت أضعف ﻷني
عشت ف الدنيا وكأني 
مش هاييجي اليوم واسيبها 
يارب
يمكن العمر القصير
يوهم الناس إني طاهر
وإن قدرت إني أغير
نظرة الناس بالمظاهر
تفضل انته يارب عالم
باللي باطن واللي ظاهر
يارب
ياللي عمر ما حد جالك
يطلب الغفران وخاب
رحمتك فوق كل حاجة
والدعاء عندك مجاب
لو حسبناها بذنوبي
يبقي مكتوب لي العذاب
وان حسبناها بعظمتك
يبقي دا أرحم حساب
يارب بدعيلك واقولك
أرضي عني
يوم يارب ما ترضي عني
مش هفارق تاني بابك
يومها عمري ما هابقي عاجز
والطريق ناحيه رحابك
ها اعبره رغم الحواجز
ها اعبره رغم الحواجز

أحمد__الجندي

محمد أبو العبادي

حبّي ليكي
...........
حبّي ليكي ..
مش يادوب حرفين كتابه
حبّي يشبه للسحابه
اللي ترمي الميّه تنزل
فوق خدود الأرض تحيي 
أي شئ من بعد موت
حبّي شجره ربيعها توت
طعمه عز المُر شهد
حب خلا الدم إسمك
حب خلا القلب صورتك
وامّا بالمح بس ضِلّك
روحي بالأشواق تمد
واما جزر الشوق يمد
قلبي يتحوّل لمركب
جوّه بحر الحب ياخدك
مجدافيني من وريدي
والشراع من غزل رمشك
تنتفض أمواج حناني
تيجي جري لحد عندك
يبقى قلبي أمير ولكن
عند عرشك ..
يبقى عبدك
حبّي ليكي ..
مش يدوب حرفين كتابه
يخلصوا على رُبع سطر
دانتي لمّا الليل يزورك
حبّي يبقى ف لحظه فجر
والنسيم يبدأ يهفهف
لو عليكي الدنيا حر
يبقى حرف الحاء حياتي
يبقى حرف الباء بدايه
تدخلي جوّه الروايه
تلقي صورتك فيّا طاقه
ع السما مفتوحه قدر
لو سنين العمر مهر
ح ادعي يبقوا ألف عام
لجل أفرشهم ف سكّه
تمشي فيها طول حياتك
وابقى وحياتك قصادك
فوق حصان الحب فارس
للأميره القاعده خادم
للأميره الماشيه حارس
وارسم الدقّات نوارس
تيجي وترفرف عليكي
بالجناح تبعت نسايم
واخده من رقّة عينيكي
وازرع الحنبين جناين
والورود من كل نوع
كل شوك الورد ليّا
والعطور تبقى ف إيديكي
صدّقيني حبّي ليكي
عدّى خط الإحتمال
حب أكبر م الحقيقه
حب أجمل م الخيال
وامّا يبقى الشوق جبال
فوق كتافي ح اشيلها وامشي
بين دروب الصحرا هايم
أعزفك أجمل أغاني
كُلّها بتقول ..
ب احبِك
..........................................

محمد ابو العبادى

بقلم يوسف ونيس مجلع--- ايطاليا بريشيا

كلمه فى سلسله الكلمات الخفيفه بلهجه الجنوب المحبوبه بعنوان

--- عاشقة الصعيد ---

و بعدها معاك ياواد خالى -------------- كل مطرح القاك قبالى

واعية انا لعيونك طلالى ---------- خزيانا لا شوق يفضح حالى

خاطرى ارمحلك طوالى ------------- اقول لك حضنك يحلالى

الاقى عاداتنا وقفالى --------------------- وقيم زينة علموهالى

-----------------------------------------------------------------

صبرى مناطيله خوالى --------------- و فكرى ما عاد يهدا لى

لا قادرة احكى ما جرالى ----------- ولا اشكى لعمى و لا خالى

دا انا اطخ الروح بالالى ---------- ولا ابخ وابوح اللى فى بالى

مها ده سلونا ياغالى ---------------------- و سر مهرنا الغالى

-----------------------------------------------------------------

عشقتك عمر يازين الغوالى --------- مدحتك شعر دواوين لاالى

وقلبى قال فى عبير اقوالى ------- اللى ما تقال للزير و الهيلالى

ياناسى عشقى ما خلالى ---------------- نعاسى يروق و يهنالى

من تمة راسى لخلخالي --------------- عقاسى شوق ضنا حالى

-----------------------------------------------------------------

نادرة ان زمانى صفالى ---------------- وبقيت قسمتى وحلالى

لا اخدك ونطير فى العالى ------------- بجنحات مسويها خيالى

واقول لها طولى ياليالى --------------- انا معاى قمرى وملالى

وفارس عمرى وخيالى -------------- وطيب صبرى اللى جالى

-----------------------------------------------------------------

هاقول للخشى همل حالى -------------- واناغشك كيف مابدالى

اقول لك اشرب واملالى -------------- من شهد جمالك وجمالى

و ان زاد الكيل عندك حبة -------------- الحبة بالف عاودهالى

و اغنى وازيد فى موالى ------------ سكنى فى حضنك يحلالى

بقلمى يوسف ونيس مجلع --- مصر