د.محمود ملك الأصفر

عنا بالدار
..........................................
يا أمي الورد الجوري مفتح نوار
بحسنو طل بجمالو خطف الأنظار
وحطت عنا اليمامة وطير الوروار
عم يغنو بأصواتن أجمل أشعار
..........................
شوفي بهالليلة شوفي جاي الحسون
واقف فوق الجورية وهوه مفتون
عم يبدع ويغنيلا أروع لفنون
والشحرور والكناري عنا زوار
...........................
قومي شوفي يا أمي طير الكروان
واقف ع غصن الجوري وهوه هيمان
عم ينشد أحلى غناني وأعذب ألحان
جاية هوه ورفقاتو يعمل مشوار
.............................
قومي شوفي البلابل جاية بكير
وعصفور الدوري عنا يرفرف ويطير
والدنيا صارت جنة وشو حلوة كتير
واليوم اجتمعت عنا كل الأطيار
.............................................................
د . ملك محمود الأصفر