قصيدة باللهجة البدوية ...
بدو أو حظر ... وشو الفرك ::
روعة وأكثر يا زينة كل الخلايك
ويا أسياد البشر
شو بتكولوا ! أنتو بدو مش حظر
والله يا مسولفين هالكول
أنتو بظعنكم وبيوت الشعر
ومجمرة النار والحطب
ودكة المهباش معها يطيب
الخُراف ويحلى الحكي
و بالليل يطول السهر
وتتراكص الفناجين على صوت
المهباش وحديث الهيل للدلة
هيك بتكونوا أحلى الخلايك
وأسعد البشر
نحن بدو مش حظر
كل الأرظ إلنا
وما بنتعب من الترحال
وبنحب السفر
والعيس هي مراكبنا
في تنكلنا وافراحنا
بنزينها بالورد والحنة
وعلى ظهرها هودج عروستنا
يحملها تيوصلها لبيت الشعر
اللي فيه الصبايا
وكدامو لمة الشباب ولمتنا
و الربابة تحكي حكايتنا
والدحية الأصيلة هي ركصتنا
والحطب والنار والدخان
في الفضاء يكتب كصتنا
والبكارج مع الفناجين
هن عنوان كهوتنا
ودكات المهباش هي موسيكتنا
وسيوف العز مع الشماغ والعكال
هن عنوان شموخنا وكرامتنا
وبيها تلعلع
وتحلو سهرتنا
د. عز الدين حسين أبو صفية
ليست هناك تعليقات:
إرسال تعليق