" سرطان الحب "
_______________
🦋🦋🦋🦋
هكذا ترى روحها ، و يراها الأقربون ، فكيف لها أن تستعيدها بنفس الخفة و اللياقة ؟
أصوات متداخلة و خيالات لوجوه لا تكاد تعرفها
كلهم يقولون : ألف مبروك " يا ماجي حمدا لله على سلامتك
ما كانش حد مصدق إنها هتعدي المرة دي على خير . . بس انتي اتأخرتي قوي
تنظر إليهم بعين نصف مفتوحة ، تضع كلتا يديها على رأسها التى هشمها الصداع
تهمس بصوت غير مسموع : آ ا ا ا ا ا ا ه
حاسه كأني كنت في كابوس
منهكة بشكل غير عادي
عاوزه أفضل نايمه طول الوقت
انا بحاسب نفسي ليه كده بقسوة ؟!
مش مصدقة إن عمري اتسرق مني
موجوعة من الأذية ، و الإهمال و السفالة اللي اتعاملت بيها ، و حزينة على عمري اللي راح هدر . . .
تنتبه إليها ليلى ( زوجة أخيها ) : بتقولي إيه
يا ماجي ؟ عاوزه حاجه ؟
لا . . لا . . انا فين؟!
_ انت هنا . . . و سط حبايبك اللي بيحبوك بجد و بيخافوا عليكي زي عيونهم
_ ليه أنا تعبانه قوي كده ؟!
محتاجة فترة نقاهة طويلة كاني عوفيت من سرطان عاطفى بمعجزة إلاهية بحق
تنظر في كفيها ، ترى أثر لون أزرق على إبهامها كأنها كانت تبصم على وراق ما . .تنظر متعجبة تسأل هالة : ما هذا ؟
تجيبها هالة مبتسمة كان عم الشيخ سعيد
بياخد بصمتك على صك الحرية
يدخل د/ باسم متهللا قائلا : خلاص ياستي
كتبنا لك خروج . . مبروك قضينا على سلطان الحب نهائيا و الباقي عليكي انتي
بقلم نجوى سالم 🦋🦋🦋🦋
ليست هناك تعليقات:
إرسال تعليق