الشاعر محمد محمد ثروت عبد الحفيظ

 مصر قادره

مصر عاشت من سنين
حضن  كل  الوافدين
واللى يبعد يوم بيرجع
يوصل الشوق والحنين

أيوه ب أزعل منها لكن
حبها ف القلب ساكن
هى   أجمل   الأماكن
هى  حلم  المشتاقين

مصر  جنة ليها  معنى
حضن دافى سنين جمعنا
ع اللى خانها ألف لعنة
مصر   بلد  الطيبين

كل شده ف يوم تزول
مصر قادره ع الوصول
الأمل ف عيون شبابها
والكلام شرحه يطول

يا اللى  سارح ف الخيال
كسرها أصبح محال
جيشها قادر ع التحدى
بكره ح يهد الجبال

التاريخ شاورلها قال
مصر بلد الإنجازات
ف الشدايد صالبه حيلها
قادرة تصنع معجزات

مصر واقفه فى ثبات
ل الديابة ف الغابات
عينها صاحيه بالساعات
واللى قرب ليها مات

واللى شاف الخير عشقها
عدى عمره بيه وفات
وسط خيرها عاش حياته
صار له أجمل ذكرايات

كلمات الشاعر محمد محمد ثروت عبد الحفيظ