أخطاء وخطايا عبد الناصر
حينما يسيطر الفكر الصهيوني علي أبناء هذا الشعب فكر يشكك في ولاء كل وطنى لبلده وبالتالي يضيع كل شئ يضيع ويقزم الماضي والحاضر والمستقبل بل وتهون الأوطان كما فعل العراقيون واليوم في الطريق الي تهوىد العراق ناصر عدو الصهيونىه الأول في أرجاء الأرض يجري تشويهه وهدم رمزيته الوطنية بنظام ممنهج. كل نظام فيه السئ والصالح فلم يوجدفي اي عهد نظام كله ملائكه لم أسمع يهودى ينتقد بن جورىون ولا هرتزل ولاشارون ونتنياهو هم يؤمنون بوجودهم واخر كلمات احمد علي الهوان الشهير بجمعه الشوان انى احترم حب اليهود لإسرائيل التى جعلت شيمون بيريز يمسح حذائي بنفسه من أجل إسرائيل هذا مايفعله عدونا أما نحن نكتب الاشعار لإهانة رموزنا الذين دفعوا ارواحهم من أجل الوطن ونكتب ابيات في الدفاع عن فرع الصهيونية في العالم العربي الاخوان ستظلون تبثون السموم في مصر مدعين الحب و الوطنيه اي حب واي وطنية وانتم تهدمون كل رمز وطني من أجل مصالحكم الذاتية ويسير خلفكم من يشبه الدبه التى قتلت صاحبها لم أجد فرنسي يهين شارل ديغول الذي هزمت في عهده فرنسا ودخل الألمان العاصمة باريس
الان فقط اقول ان أكبر اخطء عبد الناصر نحن نعم نحن تلك الاجيال التي حررها عبد الناصر واعاد لها الكرامة المهدرة على مدار مئات السنين.
يقول برنارد شو.. الشهادة في يد جاهل تشبه القلادة في رقبة حمار.. ونحن كم ابتلينا بأصحاب القلادات في رقابهم
نعم جعلهم يولدون احرارا خطيئته الكبرى انه أعاد.
لهم انسانيتهم وفتح لهم المدارس والجامعات وشيد لهم المصانع والشركات. نعم عبد الناصر أخطأ في ذلك فنحن
شعوب ادمنت العبودية والاذلال نحن شعوب لا تستحق ان
تسكن الا الكهوف والجبال نتبرز ونتبول حيث ننام
نشرب من الترع والمصارف نأكل فضلات ما يجود به
علينا أصحاب الوسيات من المماليك والأتراك والالبان والا نجليز. نعم منك لله يا عبد الناصر نحن شعوب لا تستحق
الحياة الكريمة لا نعمل الا حين نضرب بالكرباج
نحن شعوب حين تتعلم تجهل اكثر وتعربد اكثر ووتتمرد اكثر
افضل عيشة لنا أن نظل في الكهوف واذا توفر لناخير نرعي الغنم.والجاموس والبقر فتلك الحيوانات تفهم لغتنا ونفهم لغتها . ادي كل اللي علمتهم وفتحت لهم الجامعات ببلاش دلوقتي هما اللي بيشتموك.
ربنا خلقنا عراة حفاه لماذا فعلت بنا ذلك وجعلتنا نلبس البدل
والكرفتات والاحذية. كل الامراض من عند الله البلهارسيا والتيفود والحصبة وغيرها من الأمراض المستوطنة حتى ان من كان يصاب بالحرب يقولون له لقد فتح الله عليك لماذا جأت انت وبنيت لنا المستشفيات والوحدات الصحية لكي نعالج من هذا..
منك لله يا عبدالناصر كنا ننام جميعا في غرفة واحدة مصنوعة من الطين وسقفها من بوص القيضي وجريد النخل كنا عيلة كاملة من سبع وثماني أفراد حريم ورجالة ننام في تلك الغرفة جيت انت وخليتنا نبني بيوت وغرف وحمامات ومطابخ ويمكن لكل واحد منا غرفة لوحده كنا نحط راسنا
على مخدة عبارة عن كيس من القماش، جواه القش، والليف
ونتغطي بشال مغزول من صوف الخروف..
كنا نسرح في الشوارع نلم ختي الجاموس والبقر بتاع السادة
عشان نصنع منه جلة نولع الكانون والفرن بتاعنا.
لما كان حد يجيب راديو في بلدنا وتسمعه ست البيت تطلع شوية البتاو وشوية المش بدوده عشان تعزم الجماعة اللي
بيتكلموا في الراديو..
كنا عايشين مرتاحين لا نعرف كتب ولا كراريس ولا قراية ولا كتابة ولا نعرف مشرق من مغرب والأطفال طول النهار يلعبوا في الطين االي يعمل منه جمل ولا حصان ولا عروسة وفي الاخر ينزلو يتسبحوا في الترعة ولا المصرف اللي بيشربو منه
والستات تملا بلاليصها برضو منه والجاموس والبقر برضو
نسبحهم في نفس الترعة والمصرف
كنا نمشو حافين ورجلينا مشققة كانت الدبانة تدخل في شق
القدم تاخد لها تعسيلة نوم وتطلع..كان ماله مرض تسيلوستوما اللي جالنا من الأرض لما كنا نمشي حافين كنت تسيبه يخلص علينا كنا ارتحنا احسن..
حتى اليهود كانوا يقرفوا مننا وكتبوا ده في كتبهم زي ما قالت الأديبة اليهودية.. ايدا اها روني. لما قالت المصرين كانت ريحتهم كريهة ريحتهم تخرج منها الحلبة..
كنا نروح نحلق عن المزين وندفع مرة جحرودة ومرة مندفعش ونفس المزين هو هو اللي يطاهرنا ولاد وبنات ولو حد عيان فينا كمان يوصفله وصفة شوية ورق خروع ولا شوية كمون على كسبرة ولا بصلة مشوية.
ويا سلام لو حد فينا تجرح فورا يقولنا شخ على الجرح
واكبسه شوية رماد من رماد الفرن ولا الكانون..
وكمان لو عينه وجعته يكبسها شوية توتة بصراحة انا معرفش التوتة دي مصنوعة من ايه بس هي كانت شبه الدقيق تتحط في العين يقوم الواحد الصبح عينه مليسة خالص.
واللي تاجيله حصبة يقول عمنا المزين ولا أمام الجامع لبسوه أو لبسوها جلابية حمرة واعزلوه أو اعزلوها وحدها لحد ما تطيب بس للاسف مكانش فيه مكان مخصص تتعزل فيه عشان هي غرفة واحدة فيها العيلة والطير كمان وعلاوي الحمام معلقة في مجاريد الغرفة فكان كل الصغيرين يتعدو من الحصبة..
كنا يوم ما يتحوش عندنا شوية زبل حمام نروح نشتري
بطيخة ولا قوونة ولا فقوسة ويا سلام لو توفر عندنا جحرودتين تلاتة نشتري بيهم حتة حلاوة طحنية ده يبقى يوم عيد..
يا سلام لما ياجي البرنس ولا واحدة بيقولوا عليها الهانم
من العيلة المالكة في العيد وتقول لناظر العزبة بتاعها ادبح عجل ووزعه على الناس ونتلم كلنا ونوقف في الطابور وكل واحد فينا ياخد ورقة ملفوف فيها حتة لحمة وحريم البلد كلها تزغرد في اليوم ده امال ماهو يوم عيد..
منك لله يا عبد الناصر..
كان العيال بتوعنا لما ربنا يكرمنا ونطبخ لحمة ميردوش يغسلوا اديهم عشان يطلعوا برة يعاندوا زمايلهم ويقولوا انهم كلوا لحمة واللي مش مصدق يقوله طيب حتى شم يدي
مع ان كل العيال بطونها كانت مليانة دود وطول النهار تجري وسط العقارب والطريش والايفان والدفافين كام عيل مات من لسعة عقرب ولا عضة طريشة ولا اف ولا دفان
طيب تصدق بالله كانت عيال البلد كلها تروح عند بيت العمدة عشان تشم ريحة الطبيخ وفي عيد الضحية تتلم عيال البلد كلها وتروح عند بيت اللي دابح فدو ويغنو يقولوا هاتوا الفديو يا بيت الحج وبيت الحج يكونوا دبحو الفدو وعملوا عليه سليقة ويحطوا للعيال تاكل..
ويا سلام على لمبة العويل حتة صفيحة مقفلة ومليانة غاز
وفيها فتحة صغيرة من فوق طالع منها شريط مولع ينور الغرفة ومطلعة سماد زي بتاع القطر القديم يقوم البيت كله الصبح عنيه وخشمه ومناخيره متروسين سماد..
منك لله يا عبد الناصر..
كنا مرتاحين لما ياجي فياضان النيل كل سنة نسيب قرانا
وناخد كل اللي حيلتنا في قفة والمرة والعيال وشوية الطير
ونطلع على الجبل نعمل عزبة بوص ونقعدو فيها وسط الديابة
وقطاعين الطرق ومطاريد الجبل لحد ما الفياضان يخلص
مين قالك تعملنا دعم وبطاقة تموين نصرفو بيها طلباتنا
وكمان رايح تعمل معاش للغلابة وتسميه معاش التضامن الاجتماعي طيب ادينا تعلمنا السلبطة والرحرحة كنت تسيبنا ناخد فضلات الأتراك وبتوع ألبانيا. وكمان روحت عملت لينا
مصانع اديال تعمل تلاجات وغسالات يا عم كنا مرتاحين
هو احنا كان حيلتنا ايه نغسله في الغسالة هما قميص ولباس في الصيف وجلابية خيش في الشتا وكنا نغسلهم في الترعة
و التلاجة طيب بذمتك كنا هنحط فيها ايه شوية بتاو القيضي ولا شوية المش القدام والمية كنا طول اليوم نشرب من الترعة وفي الليل نملي البلاص ونخليه جنبينا ميته كانت تبقى تلج.
كانت البنت عندنا يدوبك تكمل ١٣ ولا ١٤ سنة نبعتوها على طول على قصور البشاوات والهوانم تشتغل وتجبلنا شوية اكل نضاف نرمو بيهم عضمنا ومش مهم تجيلنا حامل ولا معاها عيل من ابن الباشا ولا حتى الباشا نفسه
وكمان فيه منينا ناس. كانوا ياجوا بتوع الدعارة ياخدو بناتهم يشغلوها عنديهم في الكرخانات امال ماهي الكرخانة دي كانت مفتوحة برخصة والبنت كمان كانوا يطلعوا لها رخصة زي رخصة السواقة دلوقتي
منك لله يا عبد الناصر
فضلت تقولنا العرب والعروبة وتجمعوا تبقوا قوة ومحدش يقدر عليكم وانت عارف اننا عمرنا ما تجمعنا من يوم ما تخلقنا واحنا ناكل في بعض القوي فينا هو السيد والضعيف هو العبد تخلقنا ناكل لحم بعض والعيلة الكبيرة تأكل العيلة الصغيرة وتاخد حريمها هو انت نسيت جدنا كليب لما طلق الكلب بتاعه في الخلا وسابه يجري وقال المكان اللي هيوقف فيه الكلب ده اخر حدود المراعي بتاعتي واللي هيقرب منها هقتله. يا راجل داحنا فضلنا نقتل في بعض طول أربعين سنة عشان ناقة.
والفترة الوحيدة اللي تجمعنا فيها جمعنا رسول الله صلى الله عليه وسلم حول دين الله لكن يافرحة ماتمت بعد ما توفاه الله
رجعنا ناكل في بعض تاني ومين يبقى الريس واشتغلنا ندبح في بعض تاني..طيب ادي العرب اللي كانوا حافين يرعوا بغنهم في الجبال طول الشتا والصيف يقضوه في البحر يصيدو سمك واخر النهار ينامو في خيام خيش في الجبال
فضلت تقلهم انضفوا تحرروا النهاردة بقى تنكروا لك وبيشتموك كمان
لا وكمان جاي تعملنا جيش كبير زي بتاع الإنجليز والرومان
وجاي تلم عيالنا تدخلهم الجيش يا عم احنا مالنا ومال الجيوش احنا مرتاحين كده يجيلنا جيش مملوكي ولا تركي ولا فرنسي ولا انجليزي مالنا احنا ومال الجيوش
يا من نسيتم ماضيكم كل واحد فيكم يروح يتفرج على بيت جده اللي كان حيلته قميص ولباس بيض رايح جاي بيهم طول اليوم وماشي حافي الشق في رجله يدخل قلم رصاص
محمد ابو العبادى
حينما يسيطر الفكر الصهيوني علي أبناء هذا الشعب فكر يشكك في ولاء كل وطنى لبلده وبالتالي يضيع كل شئ يضيع ويقزم الماضي والحاضر والمستقبل بل وتهون الأوطان كما فعل العراقيون واليوم في الطريق الي تهوىد العراق ناصر عدو الصهيونىه الأول في أرجاء الأرض يجري تشويهه وهدم رمزيته الوطنية بنظام ممنهج. كل نظام فيه السئ والصالح فلم يوجدفي اي عهد نظام كله ملائكه لم أسمع يهودى ينتقد بن جورىون ولا هرتزل ولاشارون ونتنياهو هم يؤمنون بوجودهم واخر كلمات احمد علي الهوان الشهير بجمعه الشوان انى احترم حب اليهود لإسرائيل التى جعلت شيمون بيريز يمسح حذائي بنفسه من أجل إسرائيل هذا مايفعله عدونا أما نحن نكتب الاشعار لإهانة رموزنا الذين دفعوا ارواحهم من أجل الوطن ونكتب ابيات في الدفاع عن فرع الصهيونية في العالم العربي الاخوان ستظلون تبثون السموم في مصر مدعين الحب و الوطنيه اي حب واي وطنية وانتم تهدمون كل رمز وطني من أجل مصالحكم الذاتية ويسير خلفكم من يشبه الدبه التى قتلت صاحبها لم أجد فرنسي يهين شارل ديغول الذي هزمت في عهده فرنسا ودخل الألمان العاصمة باريس
الان فقط اقول ان أكبر اخطء عبد الناصر نحن نعم نحن تلك الاجيال التي حررها عبد الناصر واعاد لها الكرامة المهدرة على مدار مئات السنين.
يقول برنارد شو.. الشهادة في يد جاهل تشبه القلادة في رقبة حمار.. ونحن كم ابتلينا بأصحاب القلادات في رقابهم
نعم جعلهم يولدون احرارا خطيئته الكبرى انه أعاد.
لهم انسانيتهم وفتح لهم المدارس والجامعات وشيد لهم المصانع والشركات. نعم عبد الناصر أخطأ في ذلك فنحن
شعوب ادمنت العبودية والاذلال نحن شعوب لا تستحق ان
تسكن الا الكهوف والجبال نتبرز ونتبول حيث ننام
نشرب من الترع والمصارف نأكل فضلات ما يجود به
علينا أصحاب الوسيات من المماليك والأتراك والالبان والا نجليز. نعم منك لله يا عبد الناصر نحن شعوب لا تستحق
الحياة الكريمة لا نعمل الا حين نضرب بالكرباج
نحن شعوب حين تتعلم تجهل اكثر وتعربد اكثر ووتتمرد اكثر
افضل عيشة لنا أن نظل في الكهوف واذا توفر لناخير نرعي الغنم.والجاموس والبقر فتلك الحيوانات تفهم لغتنا ونفهم لغتها . ادي كل اللي علمتهم وفتحت لهم الجامعات ببلاش دلوقتي هما اللي بيشتموك.
ربنا خلقنا عراة حفاه لماذا فعلت بنا ذلك وجعلتنا نلبس البدل
والكرفتات والاحذية. كل الامراض من عند الله البلهارسيا والتيفود والحصبة وغيرها من الأمراض المستوطنة حتى ان من كان يصاب بالحرب يقولون له لقد فتح الله عليك لماذا جأت انت وبنيت لنا المستشفيات والوحدات الصحية لكي نعالج من هذا..
منك لله يا عبدالناصر كنا ننام جميعا في غرفة واحدة مصنوعة من الطين وسقفها من بوص القيضي وجريد النخل كنا عيلة كاملة من سبع وثماني أفراد حريم ورجالة ننام في تلك الغرفة جيت انت وخليتنا نبني بيوت وغرف وحمامات ومطابخ ويمكن لكل واحد منا غرفة لوحده كنا نحط راسنا
على مخدة عبارة عن كيس من القماش، جواه القش، والليف
ونتغطي بشال مغزول من صوف الخروف..
كنا نسرح في الشوارع نلم ختي الجاموس والبقر بتاع السادة
عشان نصنع منه جلة نولع الكانون والفرن بتاعنا.
لما كان حد يجيب راديو في بلدنا وتسمعه ست البيت تطلع شوية البتاو وشوية المش بدوده عشان تعزم الجماعة اللي
بيتكلموا في الراديو..
كنا عايشين مرتاحين لا نعرف كتب ولا كراريس ولا قراية ولا كتابة ولا نعرف مشرق من مغرب والأطفال طول النهار يلعبوا في الطين االي يعمل منه جمل ولا حصان ولا عروسة وفي الاخر ينزلو يتسبحوا في الترعة ولا المصرف اللي بيشربو منه
والستات تملا بلاليصها برضو منه والجاموس والبقر برضو
نسبحهم في نفس الترعة والمصرف
كنا نمشو حافين ورجلينا مشققة كانت الدبانة تدخل في شق
القدم تاخد لها تعسيلة نوم وتطلع..كان ماله مرض تسيلوستوما اللي جالنا من الأرض لما كنا نمشي حافين كنت تسيبه يخلص علينا كنا ارتحنا احسن..
حتى اليهود كانوا يقرفوا مننا وكتبوا ده في كتبهم زي ما قالت الأديبة اليهودية.. ايدا اها روني. لما قالت المصرين كانت ريحتهم كريهة ريحتهم تخرج منها الحلبة..
كنا نروح نحلق عن المزين وندفع مرة جحرودة ومرة مندفعش ونفس المزين هو هو اللي يطاهرنا ولاد وبنات ولو حد عيان فينا كمان يوصفله وصفة شوية ورق خروع ولا شوية كمون على كسبرة ولا بصلة مشوية.
ويا سلام لو حد فينا تجرح فورا يقولنا شخ على الجرح
واكبسه شوية رماد من رماد الفرن ولا الكانون..
وكمان لو عينه وجعته يكبسها شوية توتة بصراحة انا معرفش التوتة دي مصنوعة من ايه بس هي كانت شبه الدقيق تتحط في العين يقوم الواحد الصبح عينه مليسة خالص.
واللي تاجيله حصبة يقول عمنا المزين ولا أمام الجامع لبسوه أو لبسوها جلابية حمرة واعزلوه أو اعزلوها وحدها لحد ما تطيب بس للاسف مكانش فيه مكان مخصص تتعزل فيه عشان هي غرفة واحدة فيها العيلة والطير كمان وعلاوي الحمام معلقة في مجاريد الغرفة فكان كل الصغيرين يتعدو من الحصبة..
كنا يوم ما يتحوش عندنا شوية زبل حمام نروح نشتري
بطيخة ولا قوونة ولا فقوسة ويا سلام لو توفر عندنا جحرودتين تلاتة نشتري بيهم حتة حلاوة طحنية ده يبقى يوم عيد..
يا سلام لما ياجي البرنس ولا واحدة بيقولوا عليها الهانم
من العيلة المالكة في العيد وتقول لناظر العزبة بتاعها ادبح عجل ووزعه على الناس ونتلم كلنا ونوقف في الطابور وكل واحد فينا ياخد ورقة ملفوف فيها حتة لحمة وحريم البلد كلها تزغرد في اليوم ده امال ماهو يوم عيد..
منك لله يا عبد الناصر..
كان العيال بتوعنا لما ربنا يكرمنا ونطبخ لحمة ميردوش يغسلوا اديهم عشان يطلعوا برة يعاندوا زمايلهم ويقولوا انهم كلوا لحمة واللي مش مصدق يقوله طيب حتى شم يدي
مع ان كل العيال بطونها كانت مليانة دود وطول النهار تجري وسط العقارب والطريش والايفان والدفافين كام عيل مات من لسعة عقرب ولا عضة طريشة ولا اف ولا دفان
طيب تصدق بالله كانت عيال البلد كلها تروح عند بيت العمدة عشان تشم ريحة الطبيخ وفي عيد الضحية تتلم عيال البلد كلها وتروح عند بيت اللي دابح فدو ويغنو يقولوا هاتوا الفديو يا بيت الحج وبيت الحج يكونوا دبحو الفدو وعملوا عليه سليقة ويحطوا للعيال تاكل..
ويا سلام على لمبة العويل حتة صفيحة مقفلة ومليانة غاز
وفيها فتحة صغيرة من فوق طالع منها شريط مولع ينور الغرفة ومطلعة سماد زي بتاع القطر القديم يقوم البيت كله الصبح عنيه وخشمه ومناخيره متروسين سماد..
منك لله يا عبد الناصر..
كنا مرتاحين لما ياجي فياضان النيل كل سنة نسيب قرانا
وناخد كل اللي حيلتنا في قفة والمرة والعيال وشوية الطير
ونطلع على الجبل نعمل عزبة بوص ونقعدو فيها وسط الديابة
وقطاعين الطرق ومطاريد الجبل لحد ما الفياضان يخلص
مين قالك تعملنا دعم وبطاقة تموين نصرفو بيها طلباتنا
وكمان رايح تعمل معاش للغلابة وتسميه معاش التضامن الاجتماعي طيب ادينا تعلمنا السلبطة والرحرحة كنت تسيبنا ناخد فضلات الأتراك وبتوع ألبانيا. وكمان روحت عملت لينا
مصانع اديال تعمل تلاجات وغسالات يا عم كنا مرتاحين
هو احنا كان حيلتنا ايه نغسله في الغسالة هما قميص ولباس في الصيف وجلابية خيش في الشتا وكنا نغسلهم في الترعة
و التلاجة طيب بذمتك كنا هنحط فيها ايه شوية بتاو القيضي ولا شوية المش القدام والمية كنا طول اليوم نشرب من الترعة وفي الليل نملي البلاص ونخليه جنبينا ميته كانت تبقى تلج.
كانت البنت عندنا يدوبك تكمل ١٣ ولا ١٤ سنة نبعتوها على طول على قصور البشاوات والهوانم تشتغل وتجبلنا شوية اكل نضاف نرمو بيهم عضمنا ومش مهم تجيلنا حامل ولا معاها عيل من ابن الباشا ولا حتى الباشا نفسه
وكمان فيه منينا ناس. كانوا ياجوا بتوع الدعارة ياخدو بناتهم يشغلوها عنديهم في الكرخانات امال ماهي الكرخانة دي كانت مفتوحة برخصة والبنت كمان كانوا يطلعوا لها رخصة زي رخصة السواقة دلوقتي
منك لله يا عبد الناصر
فضلت تقولنا العرب والعروبة وتجمعوا تبقوا قوة ومحدش يقدر عليكم وانت عارف اننا عمرنا ما تجمعنا من يوم ما تخلقنا واحنا ناكل في بعض القوي فينا هو السيد والضعيف هو العبد تخلقنا ناكل لحم بعض والعيلة الكبيرة تأكل العيلة الصغيرة وتاخد حريمها هو انت نسيت جدنا كليب لما طلق الكلب بتاعه في الخلا وسابه يجري وقال المكان اللي هيوقف فيه الكلب ده اخر حدود المراعي بتاعتي واللي هيقرب منها هقتله. يا راجل داحنا فضلنا نقتل في بعض طول أربعين سنة عشان ناقة.
والفترة الوحيدة اللي تجمعنا فيها جمعنا رسول الله صلى الله عليه وسلم حول دين الله لكن يافرحة ماتمت بعد ما توفاه الله
رجعنا ناكل في بعض تاني ومين يبقى الريس واشتغلنا ندبح في بعض تاني..طيب ادي العرب اللي كانوا حافين يرعوا بغنهم في الجبال طول الشتا والصيف يقضوه في البحر يصيدو سمك واخر النهار ينامو في خيام خيش في الجبال
فضلت تقلهم انضفوا تحرروا النهاردة بقى تنكروا لك وبيشتموك كمان
لا وكمان جاي تعملنا جيش كبير زي بتاع الإنجليز والرومان
وجاي تلم عيالنا تدخلهم الجيش يا عم احنا مالنا ومال الجيوش احنا مرتاحين كده يجيلنا جيش مملوكي ولا تركي ولا فرنسي ولا انجليزي مالنا احنا ومال الجيوش
يا من نسيتم ماضيكم كل واحد فيكم يروح يتفرج على بيت جده اللي كان حيلته قميص ولباس بيض رايح جاي بيهم طول اليوم وماشي حافي الشق في رجله يدخل قلم رصاص
محمد ابو العبادى
ليست هناك تعليقات:
إرسال تعليق