مجلة الوطن العربي الكبير

بقلم يوسف ونيس مجلع--- ايطاليا بريشيا

اصدقائى الاحباء بعد قصيدة عاشق الصعيد كلمه فى سلسله الكلمات الخفيفه بلهجه الجنوب المحبوبه بعنوان

--- عاشقة الصعيد ---

و بعدها معاك ياواد خالى --- كل مطرح القاك قبالى

واعية انا لعيونك طلالى ---خزيانا لا شوق يفضح حالى

خاطرى ارمحلك طوالى --- اقول لك حضنك يحلالى

الاقى عاداتنا وقفالى --- وقيم زينة -----------

صبرى مناطيله خوالى --- و فكرى ما عاد يهدا لى

لا قادرة احكى ما جرالى ---ولا اشكى لعمى و لا خالى

دا انا اطخ الروح بالالى --- ولا ابخ وابوح اللى فى بالى

مها ده سلونا ياغالى ---و سر مهرنا الغالى

-----------------------------------------------------------------

عشقتك عمر يازين الغوالى ---مدحتك شعر دواوين لاالى

وقلبى قال فى عبير اقوالى --- اللى ما تقال للزير و الهيلالى

ياناسى عشقى ما خلالى --- نعاسى يروق و يهنالى

من تمة راسى لخلخالي --- عقاسى شوق ضنا حالى

-----------------------------------------------------------------

نادرة ان زمانى صفالى ---وبقيت قسمتى وحلالى

لا اخدك ونطير فى العالى --- بجنحات مسويها خيالى

واقول لها طولى ياليالى ---انا معاى قمرى وملالى

وفارس عمرى وخيالى ---وطيب صبرى اللى جالى

-----------------------------------------------------------------

هاقول للخشى همل حالى --- واناغشك كيف مابدالى

اقول لك اشرب واملالى --- من شهد جمالك وجمالى

و ان زاد الكيل عندك حبة --- الحبة بالف عاودهالى

و اغنى وازيد فى موالى ---سكنى فى حضنك يحلالى

بقلم يوسف ونيس مجلع --- مصر