فقير ومصرى وده بلوتى.
حب البلد دى اسمتى.
كلى جلد معرفش خوف.
وصنعتى نساج حروف.
كهل ومعافر ودليلى قلبى.
معرفش اجامل ولا اخبى.
كل الاداب موجوده عندى.
عاشق صبيه بعيو كحيله.
هى اللى ليه مافى عندى حيله.
زينة الصبايا والعين عليها.
كل الاعادى طمعانه فيها.
جنه ونار لليعديها.
فى غفله منا خطفها غادر.
وبارود فى ايده يرسم مجازر.
وفى بحر دم فى يخوت بترعى.
بتمص خيرها وتكلها ولعه.
ظلم ومظالم والرب عالم.
مين بيعديها.
صرخت ولادى ولا حد سامع.
والكل تايه والخوف مليها.
سوق النخاس بيبعو فيها.
يللى مأنتخ متقوم وتصحى.
وطنك واهلك والعيشه عسره.
ولا انت ناسى ان انت مصرى.
اصلك واصلى والرب واحد.
والعمر واحد ليه بس خايف.
لو كنت مصرى.
ليست هناك تعليقات:
إرسال تعليق