يا لهايم
يالهايم
غادي راحل
كسدة بلاعقل
واش أنت
مقراج ولاسطل
ولا غير جاي
علينا طل
شوف غيرك
فين واصل
وانت تدعي عليه
ؤ حاصل
دير بحالو ؤواصل
راه غدا كلشي
عليك معول
قرا ؤجاهد ؤسول
ماتبقاش غير مغول
دير شي صنعة متولة
لي شافها يبقى مهول
عقلو طاير محول
بركة
من عيشة لبهايم
فيق
ؤماتبقاش نايم
راه لعلم لي دايم
بلعقل ؤبيه
فرقك ربي
ع لبهايم
يالهايم
يالهايم
بقلم حسن الزايري
ليست هناك تعليقات:
إرسال تعليق