الجندى المصرى
ع الجندى المصرى
أوعاك تقول وماتحكيش
واقف أسد أجدع ولد
ضهره حديد مابينحنيش
وإن جاه عدو
يفرم عضام اللى جابوه
زى القراقيش
فى وسط صحرا
ووسط ميه
ووسط غابه
بين الديابه
يقدر يعيش
عنده مبادئ
شجاع وصادق
على الآسير
مابيفتريش
وف المعارك
حافظ كيانه
واقف مكانه
سلام سلاح
ناوى الكفاح
ف الهمه زيه
ماتلقيش
حافظ بلادى
من الأعادى
صاين حدودها
راعى صمودها
فى دمه تجرى
روح البطوله
مابتنتهيش
شهد له التاريخ
على البساله
والساسه تعبوا
من القواله
الجندى المصرى
زيه مافيش
كافح سنين
رفض الأهانه
حقق لبلده
أفضل مكانه
عمر وصلح
حفظ الأمانه
وقال يابلدى
روحى فداكى
وماتبكيش
كسر اليهود
حفظ الحدود
رفض المذله
والتهميش
وقال بلادى
علشان ولادى
وتاريخ أجدادى
لازم يعيش
هو ده ابن البلد
هو ده اجدع ولد
وهو زادنا والسند
واللى فى يوم
قالها صريحه
تعيش بلادى
وأموت أعيش
مايهمنيش
ياكل جاحد
وياكل غافل
يااللى بتشمتوا
ف المحافل
إنسوا اللى عدى
واللى فات
مش معنى راح
منا شهيد
يبقى اللى باقى
منا مات
وأسمعونى
من سُكات
لما نجيب
حق الشهيد
يبقى الشهيد
عمره ما مات
يااللى نسيتوا
أحنا مين
أقروا التاريخ
والذكرايات
وقولوا مين
فرح ملايين
وخد بطارنا
فى ست ساعات
بعد الهزيمه
قوى العزيمه
حطم برليف
مكنش ضعيف
صدم الصواريخ
والدابابات
يا اللى أنتوا
مش فالحين
غير بس دايما
ف الكلام
الجيش المصرى
حامى الحما
وأضرب له
ميت تعظيم سلام
واللى يقول
غير المعقول
محتاج يعيش
فتره علام
ومهما أقول
عن الأبطال
وآله مايوفى
لحظه ألالام
م اللى عاشوها
واللى داقوها
طول
الليالى والأيام
بقلم محمد ثروت عبدالحفيظ
ليست هناك تعليقات:
إرسال تعليق