يابتوع الصحه
يابتوع الصحه
يامصحصحين
أحنا الغلابه
المطحونين
لا ف صيدليه
لقين دوا
ولا ف أسبتاريه
مرتحين
وأبو قرش صاغ
أيام زمان
دلوقتى ليه
بقى ب ستين
يابتوع الصحه
يامصحصحين
تعبنا من
كتر الاهمال
وأتغيرت بينا الأحوال
ومهما ننادى
مش سمعين
سامحونا ياأهل السماح
خلونا نفرح
دا الجرح ناح
خليتوا ليه
الدمع ساح
ف بحور أهاتنا
خوفنا مباح
وبقينا منكوا مكتئبين
يابتوع الصحه
يامصحصحين
ياريت قلولنا
نروح لمين
فين الدوا والفتامين
سبتونا ليه
للبلهارسيه
بتمحى فينا
من سنين
وياما قولنا
وعدنا ليكوا
أرحمونا حرام عليكوا
عملونا زى البنأدمين
عايزين هدوء
ف الأسبتاريه
م أحناش هنا
فى كباريه قاعدين
وناس بتدخل
وناس بتخرج
وزباله كده
دايما موجوده
فى كل حته
شمال ويمين
وأما ننادى
دكتور قوام
نلقاه خرج
أو ف الحمام
طب الروشته
يكتبها مين
يابتوع الصحه
يامصحصحين
كلمات الشاعر
محمد ثروت عبدالحفيظ
ليست هناك تعليقات:
إرسال تعليق