بقلم محمد عبد المنصف

لعله خير

شفت ف منامى
شجرة خضرا
مليانة طير
وغزاله راقدة تحتها
بتاكل شعير
وقرود كتير
ماسكين سباطة موز
وبيغيظوا الحمير
وبقرة واقعة ف إيد إسود
بتودع الروح والزفير
وحوت بياكل سمكه طازة
لحِقها من تمساح كبير
حسيت بجوع
ولقيتنى رغم الخير دا كله
جعان و بأحلم بالفطير
أصلى الوحيد إللى بسلامته
علشان جدع وكمان أمانته
إخترونى أكون غفير
يعنى أسيب الكل ياكل
وبطنى بتصّفر صُفير
وده مش كتير ؟
ماهو دا إللى خلى
من الطبيعى فى الزمان ده
شعر رآسى ياناس يطير
بقلم محمد عبد المنصف