بقلم عادل أبو زيد

النوّة
وأهي نوّة وتعدّي
ياما القلوع شافت
مهما الرياح تعصف
قلوبنا ولا خافت
وازاي تخاف شِدّته
ومعاها رُبّانها
واقف على دفّته
مغرم بأحضانها
-------------------------
واقفالي ليه النوبادي
يا نوّة ع الواحده؟
وحادفه موجك عليّه
واحده ورا واحده
لو كان علي الربّان
واخد على الوِحده
---------------
أنا عشت ف الدنيا
أربع عقود ويزيد
سندت عليه الناس
لقوني  راجل عتيد
ولما قلت اتسند
لقيتني واقف وحيد
------------------------------
هاسند على نفسي
مانا عمري ما اتعشمت
ولا قولت يوم نِفسي
وف فرش دافي نمت
--------------------------------
الكل بيقطّع
من لحمي حيّاني
فاكريني ميت يا ناس
والله حيّ أني
سيبولي ع الكتف شحمه
أسند عليها الشيل
دانتو اللي فوق الكتاف
وقطعتوا مني الحيل
ولا عمري منكو اشتكيت
ولا قولت فاض الكيل
......................
واتعلموا م الجنين
دا علّمه سيده
شوفتوش جنين
عمره قطّع
حبل الحياه بايده
ممكن يرفّص برجله
ويقلب الأوجاع
لكنه لو جاع
غير أمه
مين راح يفيده
مستر  عادل أبو زيد