بقلم الزجال بوعاد لحسن

أنا     المنسية  من دون  النسا
،،،،،،،،،،،..،،،،،،،،،،،،،،،،،،

من      دون   النسا   انا     منسية
معدبة        صبا ح       ؤ      عشية
فياقي     كل يوم   في    السروية 
ولا         واحد        فكر        في
يرحم     حالي     ؤ يعرف  ما   بي
مالي         من       دون       النسا
عايشة          هموم      ؤ    فقسة 
هدا           حالي        يا      ناس
من      لمرار      شاربة        كاس
عمري     ضاع        شبابي    راح
عايشة  كل       مسا        وصباح
بالهموم        قلبي      ما     يرتاح
عايشة      في    بكى     و   نواح
لحمل   على        كثافي      ثققال
صبري     ما     يتحملوه      رجال
نسرح  .و نربي .و نسقي ؤ   نحطب
والزمان    يا  ناس      علي    غلب
حالي        ما  هو     حال
موحال   يتغير   موحال
عايشة            حياتي         مقهورة
والنسا       ضاحكة     و   مسرورة
وانا    ليام    دايرة            ناعورة
حياتي حطب  كسيبة  حرث  وفلاحة
عمري        ما    نشوف        الراحة
عايشة      ليل       و      نهار
القلب    شاعلة   فيه   النار
برد         الليالي      سكن      لعظم
حتى  انا   يا ناس     لحم       ؤ دم
من           شاف     حالي      يرحم
في         حياتو        ما         يندم
شوفو       في        بقلب       حنين
وعلي      لا     تغمضو         العين
بالله     يا   ناس     رحموني
شوفو   حالي   و   فهموني
شكون      يرضى        بهد    الحال
ظهري    عواج       بحطب   الجبال
الركابي  تساسو    بحاجات      ثقال
صغيرة         والجمال           دبال
نسرح.  ونربي  . ونسقي.   ونحطب
والزمان     راه      علي           غلب
في      برد الليالي  وحر     الصيف
و ريح    الربيع         و       خريف
صابرة          ونطلب          اللطيف
من      دون        النسا        منسية
معدبة     صباح     وعشية
فياقي          في   السروية
ولا   من  رحمني   وفكر  في
بقلم الزجال بوعاد لحسن