بقلم الشاعر سامح الدياسطي

رباعيات سامحية
*************

يا بايع الصبر صبرك من مرارنا مر
الوعد كان بالعسل بس الليالي تمر
مرت سنين وسنين والكل متلهف .
الريق نشف م العطش والمر أصبح أمر

يا بايع الصبرليه غليت ف أسعاره
دا الكل من بلوته بيحلى بمراره
الخلق واقفين أمم ؛ مستنيين دورهم
وإزاي هيتصبروا على ظلم تجاره ؟!

يا بايع الصبر قلبي للغواني مال
تاقلتهم بالدهب ومليت جيوبهم مال
ولما دار الزمن غدروا وسابوني
يارب دي غلطتي مش بس بخت ومال
****************
سامح الدياسطي