ياعيون بتهد فينا
عمى أحمد ويا مينا
كلنا راكبين سفينه
مصر دايما بتراعينا
حضن دافى يمحى فينا
أى جرح ف يوم يجينا
عمرها حاضنا ولادها
إبنها عمره ماخانها
ف الشدايد إيد تطبطب
راسيه دايما فى مكانها
مصر قادره مش عويله
والسنين بنا طويله
عمرها غالبه الاعادى
مصر لو قالت ولادى
تحت رجليها تلقينا
يا اللى شاربين م الزباله
ياعقول عايشه ف سفاله
تبقوا منا لا إستحاله
بكره تترد الإهانه
ياللى ناسين الأمانه
ده إحنا خيرنا لسه فينا
بينور حياتنا لينا
ميت ندامة ع اللى خان
واللى عاش ندل وجبان
واللى باع تاريخ بلاده
واللى خوفنا كان مزاده
واللى عاش ناكر ولاده
واللى ب الجهل إيعادينا
عم مينا لسه لينا
أخ ف الشده يلقينا
مهما تضرب ف الكنايس
والمساجد والمدارس
عمره يوم مايهون علينا
كلمات الشاعر محمد ثروت عبدالحفيظ
ليست هناك تعليقات:
إرسال تعليق