بقلم الشاعر صبري كامل

++++++ بياع قلوب +++++++

شايل مخلتي بيدي و داير بالبلاد سواح
أزعق أنادي ع الخلايق للعاوز قلبه يرتاح
بياع قلوب أنا و للهناء معي القلوب ملاح
قلب يلمك و يضمك و يضمد ليك الجراح
قلب يهني يبارك و يشاركك في الأفراح
و قلب لحزنك يطبطب تلاقيه كمان نواح
و قلب جامد و جاحد للي خانك و البواح
و قلب حزين مارد نوحي لو للحزن ترتاح
و قلب يلعب بالحبايب و يبدلها كل صباح
و قلب طيب جميل مليان رضي و صلاح
و قلب على الحب يدور باحث عن الأفراح
و قلب للحزين مظلوم يحمل عنك الجراح
و لقلبي ما أنا بايع أصله في الحب فواح
ما في حبيب يقدره و لو بالغ في النواح
صبري كامل .