سمعت صوتك من بكير...
....................................
سمعت صوتك من بكير
رجع الفرح من تاني
وعصفورة من فوق الغصن
صارت ترقص فرحاني
حبيبي يا عطر الورد
ياعايش بوجداني
رح تبقى جواة القلب
واحلى زهره ببستاني
.................
سمعت صوتك من بكير
رفرف قلبي و بدو يطير
ومع زقزقة العصافير
الضحكة صارت رنانة
رفعت إيدي وشو دعيت
يعلي جاهك رب البيت
يطول بعمرك ويزيد
وتنول كل اللي تمنيت
.................
أنا بعرف إنك إنسان
عصامي وكلك حنان
وقلبك عم ينبض بالخير
والطيبة إلك عنوان
و بعرف شو صافي النية
وذوق ورقة وحنية
وإن شا الله بتضل كبير
و متل الشمس المضوية
...................................
ملك محمود الأصفر
ليست هناك تعليقات:
إرسال تعليق