وهآاااان عليك تخدعني
حبيبي وهوايا
وكل حاجه حلوه
كانت جوايا
يانسمه حلوه في حياتي
وكنت فاكراها دوايا
فينك حبيبي ؟
وفين وعودك ؟
وفين مراسيلك؟
شهرين غايب عني
وواحشني
ياتجيني يااجيلك
وياهل تري لسه فاكرني
ولا آسي وناسيني
اشتقلك وابعتلك مراسيل
تعبت من كتر مراسيلي
وايه يا حبيبي
اللي شاغلك عني
وللوحده سايبني
تغيب عني
ومش هامك غيابك
إن كان معذبني
وياما كَدِبتّْ قلبي
لما كان بيخوفني
ويقوللي
ناسينا ومش فاكرنا
ونبعتلك تيجي
أوآم تداوي هوانا
نلقاك مآتسأل عنا
وينشغل بالنا عليك
في غيابك مانلاقي حد
يطمنا
وقلبك الآسي هان عليه
مايسأل علينا ولا يصبرنا
مين يآ حبيبي شغلك عني
وليه تشغل عقلي
ومين اللي خدك مني
ونساك حبي وحنية قلبي
ولاَّ الأيام غيرتك والغُربه
سرقت حنيتك ونسيت غرآمي
وازاي تنسي ذكرياتي الحلوه
معاك وتخون ايامي
معقوله كنت ضحيه غرقانه
في بحر اوهام الهوي
ونسيت يآ غدار لما يآما
قولتلي كواك حبي لما
قلبي بحبك اتكوي
ونسيت عهد الهوي اللي
ياما عاهدته. معايا
ونسيت كلامك واحلامك
وليالي غرامك ويايا
لو كنت نسيت اللي بيني
وبينك انا كمان ح نساك
وزي ما اشتريتك وبعتني
روح لحالك عمري ما
ح اترجاك
ويعز عليا نفسي
بعد.الحب ده كله ليك
تخونه وماتقدره
وهان عليك تخدعني
وتغدر بيا وبقلبي..
وحبي تخسره
خواطر ( أشرف الدغيدي )
حقوق الملكية محفوظة
ليست هناك تعليقات:
إرسال تعليق