ابتهال
عيطت لسيدي ربي ملي ضاق الحال
من غيرو سبحانو يكون لي طبيب ؟
ديما موجود بيبانو مفتوحة بلا قفال
هو الحاضر و ف ضيق الحال ما يغيب
جيتك ربي نزاوݣ ملي عودي اذبال
ياالموجود ،من غيرك و الله مانصيب
جيتك يا ربي بهموم عالية كيف لجبال
نترجاك تسوط عليها بعفوك تريب
جيتك يا ربي ملي تقضاو جميع لَحْيال
حالي ما تنفع فيه حيلة يا مول لفرج لقريب
يا ربي عندي غير رضاك هو راس مال
نترجى عفوك و رجايا فيك ما يخيب
فاطمة المسعودي سلا
ليست هناك تعليقات:
إرسال تعليق