قرا ياوليدي
ؤتعلّم الحرووف
راجع كتابك
بصواب
شرب جغيمة
من معاني الكلام
ؤرش بيها الجوف..
قرا.
راه الليف ولد البا"ء"
ؤالبا"ء" بعكازو حكيم..
إلى عميتي
يرد ليك الشوف..
التا"ء" تعلمك الحكاية
توسع خيالك بالسيف
تجمع عقلك تبنيه
ترشدك للخير
بفضلها تولي تشوف..
تولي.
غادي فصفاك
عارف اسرار القراية
قاري اسْواريك
بوجه مكشوووف..
عالم بالسلكة
معول علْحفاظة
زاعم فطريقك
توضّح الصورة
ترسمها/
بلواان الحذاكَة
تنقشها / نقيش
الحنة فلكفووف..
ياوليدي هارضاك.
مطرّز بخيوط " الجيم"
ؤ الحا"ء" حكيم
فرحبة الحْكام
ناوي يدون بمدادو
الخا"ء" المخنّث
بالنقطة علينا يرووف..
ليست هناك تعليقات:
إرسال تعليق