بدون ذكر للأسماء
قبلت بإني أتمرد
ومش معناه بإنه غباء
في ناس خسرتها تتعوض
بدون ذكر للأسماء
وشيلت في قلبي واتحملت
كفايه عشان بجد إتهنت
مهي غلطه بإني قبلت
تكون الطيبه هي الداء
=============
من وجعي بقيت بتهد
لاطايلاها السما ولا أرض
ماحستش بمعني حياه
ولافي حد ينفع حد
بقيت مجبوره عالتغير
بمعني أصح في التعبير
بقيت واحده بدون تبرير
لطمع الدنيا دي بتتشد
==============
كتير قالو ياما عليا
كلام فاضي وبالتجريح
وجابو العيب كتير فيا
ولا عمر الكلام دا صحيح
وكان كله دا فوق طاقتي
وحاجه عكسه في إرادتي
واديني عكست في طبعتي
معامله وقابله للتصحيح
========= ======
ساعات بسأل في نفسي واقول
أنا من الدنيا ليه بتهد
صبرت كتير ومش معقول
صبرت حقيقي فوق الحد
لأمتي كل دا هيطول
كأن الأمر فعلاً جد
ولا عرفت دا مين مسؤل
ولا جبت الغلط علي حد
===============
أحمد طلبه
ليست هناك تعليقات:
إرسال تعليق