حال
كل يوم اصحى من النوم
ادور على حالى
واعيش حال غير حالى
وادور على الناى
واعزف الموال
موال الصباح
واقول
ياصانع الموال
مين صنع ليك موالك
ومين يعرفك حالك
د الحال محال
حتى لو فى راحة بالك
وانت بتغنى موالك
ياشايف الصبر بعيد
ومغنى بيه موالك
تجيب الصبر منين
وانت بتبكى على حالك
اغنى موال الصبر
واحكى بيه حالى
والصبر يبكى الدهر
ويصبر على حالى
وقول ذدنى ياصبر صبر
وانا بشكو حالى لحالى
ويا مغير الحال
غير من حالى
د انا ال بكى الدهر من حاله
وغنى الزمن مواله
بقلم عبدالمنعم عدلى
ليست هناك تعليقات:
إرسال تعليق