يادوب عايش
حلمت كتير اكون
وسط الحياه ناجح
جرحني كتير لكن
طبعي أنا مسامح
بحس بخنقتي واسكت
عشان مضعفش
وافكر إيه يكون بكره
لكني ماعشتش إمبارح
يادوب عايش
وبالدنيا
وخوفي أكون علي الهامش
صحيح عايش
حلمت أعيش
حياه تانيه
أتاري الحلم دا طايش
وبتغرب مابين روحي
ولا عارف لفين رايح
وبشرب حلمي بطموحي
أحس بطعمه ليه مالح
لكن عايش
================
أنا بضحك
وهضحك مهما كان ويكون
مهو الحال دا متفسر
لا هتأثر ولا اتحسر
عشان الضحكه جوايا
ومن جوايا متكسر
وإيه يعني ولا يعني
وقولي مين هيسمعني
ماانا لو قولت علي وجعي
مين من الناس هيتأثر
لا هستفسر ولا هخسر
ماانا راضي واقول عادي
لاعمري كنت متبتر
لا عمري كنت متأمر
لكن ديماً
بكون سارح
وبنده ياما علي حلمي
لكنه حقيقي مش واضح
وبتغرب مابين روحي
ولا عارف لفين رايح
وبشرب حلمي بطموحي
أحس بطعمه ليه مالح
حلمت أعيش
حياه تانيه
أتاري الحلم دا طايش
===================
أحمد طلبه
ليست هناك تعليقات:
إرسال تعليق