ناس و ناس
يادنيا لا فهمتك مشومة
و لا فهمتك باهية
ريت فيك ناس محرومة
و ريت ناس زاهية
ريت ناس من الواقع مصدومة
و ناس في هموم قلوبها لاهية
ريت ناس في الأحباس مظلومة
و ناس زهرها ميت بالرغم قلوبها باهية
ناس يلوجو على مصالحهم
و ناس عايشين في التعب
و ناس زواولة بخزرة تجرحهم
و ناس تتنهد راضية بلي كتب
ريت ناس بالوردة تفرحهم
و ناس يتغششو كيف تصارحهم
ناس عرايا نسمة البرد تذبحهم
و ناس تقوم
و ناس الدنيا آطيحهم
صبري خماري
الوسلاتية
ليست هناك تعليقات:
إرسال تعليق