قصيدة باللهجة العامية ...
... دعوة حب
سنة وشيعة ما بدنا
ولا دروز ولا علويين
نحنا بعهد الله أخوان
وع المحبة متفقين
وما زال الخالق واحد
ونحنا كلنا مسلمين
على شو يا خيي قلي
على شو نحنا مختلفين
...................
كلنا عرب وسوريين
إسلام ومسيحيين
يلا تا نبني الأوطان
بأيادي المخلصين
ورح نلغي الطائفية
بهمة وإصرار وتصميم
ونعيش سوى شركاء
بهالوطن متحدين
......................
حسن يا زين الشباب
يلا مدللي إيدك
جايي عندك محيي الدين
تا يشبك إيدو بإيدك
وخيك علي بمحبة
جايي وماددلك إيدو
مع حنا وخيو معروف
والله بالخير يزيدك
.................
ونحنا كلنا بهالوطن
ديما أخوة وأهلية
ورفقة وأصحاب وخلان
وأسرة وحدة سورية
ما منفترق مهما صار
ومهما الزمن علينا جار
ورح نبقى نتباها دوم
بأمتنا العربية
.................
ويلا يا أهل الخير
بهمة وحب وحمية
تا نصون عنا العروبة
ونحافظ ع الهوية
نعمر وطنا الغالي
بسواعدنا القوية
تا يبقى قلعة صمود
ع الأعادي عصية
.................
ونصون السلم الأهلي
بوطني ونعيش بأمان
وتخفق راية بلدنا
حرة على طول الزمان
ونصفي قلوبنا تا تشف
و يحلى ما بينا الكلام
وبالخير نعمر هالأرض
ويعم علينا السلام
................................
ملك محمود الأصفر
ليست هناك تعليقات:
إرسال تعليق