النزعة الصهيونية
نساوهم
ف فلسطين
لب القضية
ؤ كتبو ليهم
مسرحية
من اخراج
النزعة الصهيونية
ؤ غيرو ليهم
الاتجاه
العراق ؤ سوريا
الشيعة والسنة
كل واحد
فيهم
ايدافع على السمية
المسلم يقتل المسلم
يحساب ليه دار امزية
آه على ازمان
قلعو فيه الشجر
من الجدور
طيحو البنيان
قتلو الصبيان
باسم الحرية
باسم الدين
كولشي كيدافع
عندهم نفس النية
صهيون من لبعيد
ك يتفرج
ف لملاعبية
الميدان
طوب واحجر
واقلوب عمرات
ب لغدر
والحكمة فين هي
الشيعة
باغية تطلع ف التصفية
والسنة
خاصها اتنقي الأرضية
ايه أوا إييه
كلهم باغيين يحققوا لهم الأمنية
أهكذا جات الرسالة النبوية؟
أهكذا كانت الشام المرضية؟
اخداو من عند الغرب التزكية
ؤ ب اولادنا دمرو لبلاد
والمفروض
كانت اتكون بيهم محضية
خرجو اعليها
الطوائف العصبية
سيدي يا ربي
هادي ارضك ؤ هادو اعبادك
دير ليهم حل
ؤ خرجهم
من هاد الخطة الجهنمية
خطة النزعة الصهيونية
محمد لمراحلي
فاس
ليست هناك تعليقات:
إرسال تعليق