الايام الجاية توريك
------------------------
زجل
غير خليك غير خليك
الايام الجاية توريك
الايام الجاية جاية باخبار!
غير خليك
غير خليك
يثمر سبول القمح تعمر لمطامر اشعير
الايام الجاية هاذيك
*انركبوا الخيل..انسرحو لحمير!
محال هاذ لكلام ايسير!
يمكن اكثير شوي اكثير!
الايام الجاية انطلبو اللطيف
لا يطغى لعدو انحدرو الراس
الصمكة فينا...تتكلم بالعجمية! يتهاطل الدم....اشتا او تبروري
يتهاطل اتنشفو رمال الصحاري
يا الراكب البعير امرادف عليه
اش اتدير .......الى انشف البير؟ ينشف البير اتبعوا لبيار الباقية!
ملي ايموت الزهر ملي ينشف لغدير
ملي تخوى الطارمة يصبح الغني...افقير
ملي انشوف اجنابي
*لا ماشية لا طيارة تسبح فالجو.!
الضارب يضرب ما ايحير
باش ننسى الاحزان قالوا :
يا صاح اشرب الراح ترتاح!
الى انسينا الاحزان ساعة غدا الصورة تصبح راسخة!
*غدا نصحاو على همنا انفيقو.!
شمتوني بالحيلة بالقوة اطغاوا
يا رحيم ارحم منك انطلبو لعوين
نتاحدوا انفكوا الهم
اتبهدلنا...ولا احشمنا
عدموا تاريخ اجدادنا
بالضحك والطنز فينا
السوط و الرصاص القاتل
الضرب او حر الشمس لافح يا نار حرقينا....غير حرقينا!
البلدان اخوات او من فيها هارب الرومي يحكم فينا شاد الاسوارت!
شلا طيور زينة عندها تيجان!
ما ابقات حرة سارت خرفان!
ملي اتطيح....البكرة غير جيب....جنويك!
خذ من الساق طرف
ادي من لفخض ما يكفيك
ادي من لبطن...... كلحاجة!
ياك اللي ابغى الزين صابو!
*لا اتقول هذيك هضرة واخرافة!
عارف الفران اسخون نارو تكدي!
قال الغيوان:
---------------
(من قال لعصيدة باردةايدير يدو فيها)
شلا احباب ليهم فالقلب حب اكبير لكن الدراع...........مكسور الله غالب
الا ضربوا نضرب بالمسن قاطع!
اطفال الحجارة كل اليوم واحد
من مات ماتو قبلو شهداء
بيت المال زكاة المسلمين
سلاح يقتل المؤمنين! اكلاوها باردة... لخرين
اكلاوها بالسلاح الفتاك
هما للحرب دافعين
هما للسلاح بايعين
*احنا في الكرنة مسلوخين
*احنا للسلم والسلام طالبن
*و الغالبة غالبة ما ترحم!
غير نعسوا على جنب الراحة مرتاحين
انبات نكتب انسطر واندير استراحة
تاريخ طويل و لو انبات و انظل نحكي
اللعبة محبوكة من عام سيروا اتركدوا!
(كل شيء واضح للعيان يكفيك ان تفهم)
العابد عبد الرحيم : 16/12/2017
ملهمتي الفقيه بن صالح
ليست هناك تعليقات:
إرسال تعليق