راحوا فين الطيبين
راحوا فين الطيبين
واللي كانوا حنينين
راحت الحنيه بعدهم...
وحضن دافي گان حضنهم
راحوا العُزاز من سنين
ودتيهم يادنيا فين
كانوا الحب والحنيه
وراحوا منا ليه يادنيا
راحوا الحبايب كلهم
ومافضلش حد منهم
الفرحه كانت قُرّْبُهم
والضحكه ماتت بَعّْدُهم
كانوا هما نور عنينا
ومنورين الدنيا لينا
بتستخسريهم يادنيا فينا
وف لحظه منهم تحرمينا
راحوا اللي كانوا حبايبنا
وخدوا معاهم قرايبنا
غابوا عنا من سنين
وسابوا الآهات والأنين
ليه يادنيا علينا آسيه
ف الحزن فاكره والفرح ناسيه
واللي كانوا يوم أصحابنا
مادقوا يوم علينا بابنا
وآااه منك يادنيا آااه
مافضلش منك غير الأآااه
وذكرياتنا الحلوه معاهم
عايشه جوانا.ازاي ننساهم
وصعبان علينا دمعنا
وازاي ح ننسي حُزننا
وإزاي ح.نتحمل بُعدهم
وننسي حلاوة قُربهم
وغدآر يازمان غدآر
مبكينا ليل ونهار
ساعات الفرح تعدي قليله
والحزن يعدي أيام كتيره
والأيام مابترحم ضعفنا
لحد.مالصبر إشتكي مننا
ونبقي في عز احتياجنا
تأسي وتزودي جراحنا
مارحمتي يوم دمع عنينا
وطولتي ليالينا علينا
مابين ذكرياتنا الحلوه
وبين حُزننا علي اللي رآح
كانوا مفرحين عُمرنا
وماليين دنيتنا أفرآح
حكمتي علينا بالفرآق
وعيشتينا ف حزن وجراح
وقدرتي علينا.يادنيا
من بعد ماراح اللي راح
خواطر
أشرف الدغيدي
حقوق الملكية محفوظه
ليست هناك تعليقات:
إرسال تعليق