( مستحيل الرجوع )
ليه تخلي قلبي اكتر من كده ينظلم
أصبر عليك واتحمل.ويعذبني الألم
وافضل سهرانه وحدي في دنيا الخيال
ويا طيفك حبيبي وشاغلني البال
شويه اشكي لطيفك منك ومن هواك
وشويه اكلمك وافضل احكي معاك
وشويه ابكي علي حالي من جفاك
واترجي طيفك يروحلك ويحذرك
وبعهد الهوي اللي كان بينا زمان يفكرك
ويحكيلك علي ليالي الحب والغرام
وايه خلاك تجافيني ويروح بينا الكلام
هان عليك تبكي عيني وقلبي يشكي منك
والليل يعدي عليا الف ليل من كتر ظلمك
وانت لاحاسس بيا ولا داري بحالي
ويصعب عليا كتير منك
وابقي نفسي اروحلك و.أسألك
من غير مااجرح مشاعرك وازعلك
كام مره.كنت تقسي عليا واسامحك
وكام مره كنت ابتدي واروح اصالحك
وازاي تنسي ذكرياتنا.وليالي هوانا
ونعمل ايه في الطيبه اللي جوانا
ياطيف حبيبي ياأحن عليا منه
يرضيك عمايله فيا ياريت تروح تقوله
ميعذبنيش ويخلي قلبي يكره قربه
ياريته كان سامعني واشكيله لوعتي
لو كان شاريني ليه معذبني في.دنيتي
وليه يضيع مني احلام الليالي ويسهرني
وبين دموعي ووحدتي ليه يحيرني
حبيبي طال الشوق وزاد التمني
وقلوبنا مشتاقه لفرحة لقانا وتسهر تغني
ياحبيبي من يوم غيابك غابت الفرحه عني
وغابت الضحكه اللي كانت مرسومه تمللي
الحزن والألم من قسوتك انا عرفته
وراحة البال راحت وقلبي في همه غرقته
حبيتك الحب كله ولقيتك اناني
وايه اقدر اديهولك اكتر من كده.تاني
وهبتك قلبي والقاك تقسي عليه
وليه احبك وانت مابتقدر حبي ليه
إبكي ياعيني عليه وغرقيني بالدموع
حبيبي بعد قسوته عليا مستحيل الرجوع
وبعد.ده كله ازاي اتنازل واقبل خضوع
خواطر ( أشرف الدغيدي )
حقوق الملكية محفوظه
ليست هناك تعليقات:
إرسال تعليق