الحكرة:
الضباب تغاشى
والاوهام تلاشى
لبحر مايحاصرو الصخر
شحال من مرةعليه تجبر
بلاحجر بلاخناجر
تصدح الحناجر
شكون سرق العيد
خلا لمسكين شريد
مابين السيليسيون
والجوع و مخدر الافيون
حياة القهرة بزاف دوم.
الديبلوم في الما يعوم
اكون كيف ما بغا يكون
المهم هو باك شكون
والوشاشة (١) على الشاشة
يزوقو الكلام بالابتسام
يخدعو الشباب بالاحلام
يبقى غير غادي وداوي
وللى مريض. الله يداوي
ببقى يدي ويجيب ف الكلام
غير معا راسو قبل ماينام
مني يامر الله بالصباح
يلقى كلشي راح طاح
طاحت يدو ف التراب
يبقى وحدو ك الغراب
ينساوه البعاد والقراب
علاش هاذ المكتاب؟
شحال قرا وحفظ من كتاب
جنب الحيوط يظل الشباب
ماعندو حياة ماعندو هم
والشياب يمصو ليهم الدم
اغلببة به مرض ما يبرا
يشد التقاعد يديوه للمقبرة
حكرة هاذي واش من حكرة.
(١)الوشاشة: اللي تيقولو درنا وفعلنا وهما ما داروا والو.
عمر بنحيدي 18/10/2017
ليست هناك تعليقات:
إرسال تعليق