بقلم محمد أبو الغيط

" أبوس ايـدك "

🙏🙏🙏🙏🙏🙏
أبــوس ايـدك تـسـبهـالي
دي رزقي وكل راسمالي
 دا انا من النجمة  شقيانه
 وعـــايشـه ف ذل ومهانه
 عشان أكسبلي كام ملطوش
ميستهلوش ! 😔
 هجيب بيهم عشا عيالي ؟
دا أنا غلبانة و مليش حـد
و بَفْرِشْ بس  سبت و حــد
يا عم أمين 😔🤚
بلاش تـتـسـد !
 سَهِلْ هَاالي
دا أنا والله صابرة سنين
و ماشية يمين ! فتطلع مين ؟
عشـــان تنظـرلي بـتـعـالي ؟
منيش ماشية فـ سكة شمال
و عايزة عيالي تتعشى
بلقمة حلال 🙏😔🙏
مليش فـ اللف والدوران
مبتلونش بالألوان
ساعات بينام وِلِيدِي جعان
 صَعِـيـب حــالي !
فهعمل ايه ؟ يا سيدي البيه
بتتشطر عليا أنا ليه ؟
قانون ! مجنون !
و ليه بتقول  أنا مالي ؟
يا عم الحاكم المسؤول
كفاية عليا طبق الفـول
فطوري ! غدايا ! وعشايا
بـــلاش تجرحني وكــفــايـا
تَـقِـيـــلَه عليا أحمالي 😥😥
دا كل منايا كام ملطوش
مبيكفوش ؟
أجيب بيهم دوا غالي !😥😥
فـ ايه المانع ؟
تسيبني أتوضى في الجامع
و أصلي لربك السامع
يزيـح هـمـي واذلالي ! 😥
بدل ما أشحت ؟ وهدعي عليك
بـلاااااااش معـاليك !!!!
أبـوس يـدك ! أبوس رجليك !
دا انا من النجمة  شقيانه
 وعايشه ف ذل ومهــانه
 عشان أكسبلي كام ملطوش
ميستهلوش !
 هجيب بيهم عشا عيالي ؟
🙏🙏🙏🙏

محمد أبو الغيط