فين ضمير الإنسان؟
فيه ناس جعانه مش لاقيه لقمه
ولو حتي تبقي حاف
وفي عز البرد مش لاقيين هدمة
ولا غطا ولا لحاف
وفيه ناس بتتبطر ع كتر النعمه
بقنعرة وبإستخفاف
وعايشين حياتهم في عز وعظمة
وتحت الصفصاف
جوه قلوبهم الأنوار كلها ضلمه
مفيهاش كشاف
ومفيش في عروقهم عطف ورحمه
ودمهم بقي جفاف
وميعرفوش ربنا إلا في عز الأزمه
و ميزان العدل شفاف
بيوزن بالقسط وبحرف كل كلمه
بالحق والإنصاف
فيه ناس جعانه مش لاقيه لقمه
ولا حد عليها يخاف
نايمين علي الرصيف وفرجه للزحمه
وحضن الكلاب أمان !
الصفا جواهم إتعكر بقي طين ورمه
و براكين ألم ودخان
الدنيا ضيقه عليهم وعايشنها عتمه
و ملامحها هم وأحزان
حتي الحرمه كمان في الشارع نايمه
والنخوه بقت إعلان !
والجوع في وسط الزباله فعل بذمه
و فين ضمير الإنسان؟
...................................................
................ حسن الشوان ...............
ليست هناك تعليقات:
إرسال تعليق