الجاني مجهول .. ؟!
بقلمي : حسن يونس
... شاعر الزمن الجميل
""""""""""""""""""""""""""
كام قطر
وفيه الناس ماتوا
واتحرقت كل ملفاته
والجاني مجهول
كام وقعت
من فوق طيارة
لا في حرب
ولا حتي في غارة
ومفيش مسئول
كام مركب
في البحر غريقه
ولاظهرت دفاترها حقيقة
ولا شوفنا حلول
كام حادثة
وكام كارثة يوماتي
ولا حد بيبكي علي حياتي
والحل رقص علي الشاشة
بصاجات وطبول
ولأمتي هنعيش فيها دمية
وحياتنا فانية ومش دايمة
من غير ما نقول
طول ما احنا كاتمين جوانا
والدنيا دايما لهيانا
راح نفضل في عيون العالم
أموات علي طووول
والجاني مجهوووول .. ؟!
ليست هناك تعليقات:
إرسال تعليق