بقلم الشاعر عاطف عمر

قصيدة  فوق الوصف

** معقول.....
** معقول وبسرعه...بنتحول.
** وهنرجع نبدأ من الأول.
** بعد ما كنا احنا الأبطال.
** نمد أيدينا .....ونتسول.

** طول عمرنا واحنا....بنتحمل.
** على أمل ان فى يوم ....هنكمل.
** دالوقتي بقينا...........بنتحمل ؟
** وبنستعبط........وبنستهبل.

** لأمته هنفضل .......نتخيل.
** وهنتلخبط .......وهنتبرجل.
** معقول الأيام..........تتبدل ؟
** هنبطل نط..........ونتحنجل .

** الدنيا  بتيچى مع ...الجنتيل.
** وبتعطى الأنسان .....المهمل.
** وما تعطي فقير.....ولا متنقل.
** ولا عامل فى الشغل ...بيعمل.

** رجليه فيها رعشه ...وبتنمل.
** وبيطلب أوته .........ويتذلل.
** ع الناس يطلب ....وبيتحيل.
** يوزن فى همومه.....وبيكيل.

** بيتوه فى الأولاد ......كم عيل.
** ينحنى فى المشي.......ويتميل.
** يضحك على حاله  ...ويستهبل.
** معقوله.........هنبدأ من الأول ؟