نور ابو شامة حنيف
إيلَا كانْ كاسكْ وحْــــــــــــدانِي
كاسِي أنَا ، عامرْ مشْــــــــرُوكْ
...
رزْقِي ، فايْضْ رَبّـــــــــــــانِي
ؤُ شكّي فْ نْعَايْمُو ، متْــــرُوكْ
...
جِيتْ للدّنْيا نطْفَة عرْيَانَـــــــــة
لبّسْتْهَا عَقْلِي ، تْخَبْلاتْ سْلُــوكْ
...
لْكَسْدَة عنْدِي كَسْـــــــــــــداتْ
مقْسُومْ أنَا ، حقّي مَشْبُــــــوكْ
...
طْعامِي أنَا ماشِي دْيَـــــــــالِي
مَايَا صْفَا ، خُبْزِي مَبْـــــرُوكْ
...
رُوحِي هَازّة جْسُومِــــــــــــي
زْمانِي ، مَنْ ارْضَايَ منْهُــوكْ
...
جْسُومِي ، طْيُـــــــورْ غَـرّادَة
اغْنَايَ ، جْنَاحَاتْ لمْلُــــــــوكْ
...
نْغَنّي عِيشْتِي تِيهَــــــــــــــانْ
عَوْدِي سَابڭْ رَاكْبُو صَعْلـُوكْ
...
صَعْلُوكْ أنَا ، نْعاندْ الرّيـــــحْ
تْرابِي حُرْ ، تْرابكْ مَمْلُــــوكْ
...
نشْرُبْ لْعَينْ فْ عزْ لمْنابــــعْ
لَوَدْيَانْ هَدّارَة ، مَاهَا مَشْكُـوكْ
...
سْلِيلْ لطْهارْ ، نُورْ بنْ محَمّدْ
جَدّي لْحاضِي ،عزّو مَسْكُوكْ
...
نون حاء – طنجة غشت 2017
ليست هناك تعليقات:
إرسال تعليق