صبري علي

**عيد الأم.

واحشاني جدا' واحشاني يامّة..
واحشاني يامّة, ونفسى اشوفك.
واحشاني رقوة من بين كفوفك.
ودعوة حلوة' باسمعها لمّا..
أتعب, أو اسخن,وتجيني حمّة.
وبحسّ باكى..
باسمع دعاكى , وبكلّ همّة :...
"إشفيه يا ربّى, وزيل دي غمّة"
"إشفيه وصونه,واحفظ عيونه"..
"من أىّ حاسد شافه ما سمّى"..
"وفك ضيقه "..
"نوّر طريقه من اي ضلمة".
"دا هوّ سندى' روحى,وكبدى"..
"ولدى,وسعدى,وأحلى نعمة".
واحشانى جدّا ' واحشانى يامّة..
كلّ امّا ازورك ' اسبح فى نورك.!
واشتاق لبوسة منّك, وضمّة.!
واقول يا ربّى :
(يسّر حسابها ,عطّر ترابها)..
(وارحم معاها ' خالة, وعمّة).
واحشانى جدّا ' واحشانى يامّة..
من قلب موتك' شاعر بصوتك.!
بإيديّة لامسك,وف ودنى حسّك!!:
"قوم يا حبيبى ' أنا فى انتظارك"..
"ومحضّرة لك كمان فطارك"..
"بسرعة يلّا ....قوم استحمّى".
واحشانى جدّا ....
 واحشانى يامّة.....

صبري على
مارس17