/دار الضماااااااااااااااااانة
يا دار الضمانة
وأ بويا يا بويا!
شي شيبات عادة بانو
ناديت على الصالحين
ناديت على...الفالحين
زاوكَت ف اهل التراب
ما بدل لهوى اهواه
ولا سلم علينا ثاني
ما عادت لطيار لرسامها
ولا غنات لِنا من اوكارها
ويلي ويلي على عكَوب الليل
ياك فيه انطيبو ليلة بلمواجع
ياك من كَفى للغرب سار راجع
طالب حقو من ناس راه طامع
اتزينت السما بنجومها اتشالي
جات اغمامة غطات كل حاجة
يا دار اضمانة
وا بويا يا بويا!
الى اضحكت اعرف الضربة فالقلب
و يلا ابكيت اعرف....راني فالعذاب
امشيت اعرفني مع لغشيم عاكَب
كلها او حالو و انا حالي اعقارب
وحدة تلسع ثانية لشوكة اتمضي
واحد فارح اايبات فالليل خمرة
واحد مفجوع كيفما جاتو يقضي
شي شيبات عادا بانو كانوا عاصيين
اثقاوا الله عادوا فالدنيا امثايبين
الكَنس الكَرطيط يصيح فالدار معزة
قالو لغراب يا خايب
شوف االزين فحمة
قالوا الزين.........لسود ظالم
قال اترسى راك مع الحاكم
واحد يدفع لاخر...ايجر لكمامة
احكام الطاغي...في زمان بكري
كيف الاحلم دازت االدنيا تجري
ربي يرحمنا فالدنيا لا انكون مغرور
يغفر لينا الى صاحبنا شيطان غاوي
العابد عبد الرحيم30/03/2021
الفقيه بن صالح تكتب وتكتب
ليست هناك تعليقات:
إرسال تعليق