شعر كرم محمد

مين إللى قالك

مين إللى قالك 
مين للى قالك مين
إنى فى بعدك حزبن 

و أنا أول مره أعرف 
 أغمض عينى و أنام  

و أنا إللى كنت بهرب  
من الكل و  مِن الكلام 

دولقتى عايش بغنى 
على وهم أسمه الغرام 

مين للى قالك مين
إنى فى بعدك حزبن 

مين اللى قالك لسه 
ليكى فى قلبى مكان  
ده انا شبعت قسوه 
و نسيتك من زمان  

راجعه ليه تصحى 
حب مات من سنين 
مات لم قدرتى  
تدوسى على الحنين  

إنت أختارتى البعاد
و خلاص فات الميعاد 
و خانك إللى قالك 
أنى فى بعدك حزين 

مين إللى قالك 

أشعار   كرم محمد

محمد ثروت عبد الحفيظ

 ما تصدقوش


لو  سماعوكوا   ١٠٠ بيان
إن الوطن عمره ماهان
وأن اللى جاى أمن وأمان
وأنسوا اللى عدى واللى كان
ما تصدقوش

وأن قالوا ليكوا إحنا البديل
ومعنا   ١٠٠  مليون  دليل
وأن اللى خان هيعيش ذليل
وأن   الشباب   حتما  يشيل
ماتصدقوش

وأن  أظهروا  مليون  فساد
وأن    مثلوا   دور  الوداد
أو حددوا   ليكوا   الميعاد
علشان    تهدوا   ف البلاد
ما تصدقوش

ما  أحنا  اللى كنا زمان وحوش 
ومشينا    ورا   حبة  كروش
خسرنا   روحنا  وماخسرتوش
وغدرتوا    بينا    وماصنتوش
وإحنا   اللى  هنا وماهونتوش
ونادينا   ليكوا   ما أسمعتوش
عايزينا    نبكى    وما تبكوش
عايزينا   نحلم    ب الفنكوش
أنسوا  اللى  كان  وما تفتوش
وأرموا  خلاص  كل  الوشوش
وب ثوره    تانى   ما تندهوش
وأن  قالوا   ليكوا  إحنا  السند
وأن     أحنا     هنعادى    البلد
ماتصدقوش

جيشنا   العظيم   واقف   أسد
والحسبه   مش   حسبة   عدد
ف الشدة      ب يكبر     مدد
نفديها      ب الروح    والولد
وأن  قالوا  ليكوا  جيش هدد
جوه     البلاد    تاه   وإنجلد

ما تصدقوش


كلمات الشاعر محمد ثروت عبد الحفيظ

الشاعر محمد احمد إسماعيل

اللي ما شافش اليمن

....
اللي ما شافشي (اليمنْ) جاهلْ بِمعنى الزمنْ
جِدر المعاني الكبير وحُضنها المُؤتَمَنْ
هُمَّ خَضَار التاريخ ودَفتر الأحلامْ
و ف دفتر الأعلامْ.. (بلقيس) و(سيف ذي يزنْ)
..
(سبأ) النبأ وَبَيانَ عِنوان على الحدّينْ
و(هدهد) المعرفة شاهد على الشَّاهْدِين
من (صنعا) ضِلع لْ (َعَدنْ) وف (حَضْرَمُوتْ) إشعار
وف (شبوة) (مأْرِبْ) نهار.. طالع على البحرين
..
وانت بتِضربْ (تَعِز) عِز العرب فيها
و(المهرة) ضامن (لَحَجْ) حَجّ الهوي ليها
عينك على (نَجْرانْ) و(جِيزانْ) بِتِسْنِدْها
(عِمرانْ) بتسعِدها.. (أَبْيَنْ) تكفيها
..
وبيوتْ ملاحمْ ملامحْ مجد لا تَبلى
طالعة عرايس فوارس للوطن قِبْلة
مجد القبايل دلايل والشرف مِتصان
وازاي جبل صوان.. هتوقعه نبلة؟!
..
عين (اليمن) حرة وقلبها من (ماسْ)
يا أعور المفسدة يا (رِبِّة) الأنجاسْ
شجر المَعَالِي عَفِي ع اللي أساسُه خسيس
يا لِعبة الجواسيس.. بُكرة اللِّعب تِنْدَاسْ

شعر الآديب محمد أحمد إسماعيل

الجبل
ــــــــــ
الجبلُ.. 
وسادةُ السماءِ الطريةُ
وحاشيةُ الأرضِ.. 
المطرزةُ بالغموضِ المبهجِ
فيهِ مُتَّكَئِي
وعصافيرُ حِكاياتِي المهاجرة
وأحجارُ قصائدِي الأربعة
وأناشيدُ الروحِ.. 
الهاربةِ من عتمةِ البساتينِ المصطنعةِ
يأويني في كهفِهِ 
المُعمَّدِ بتصاويرِ أيامِ الماءْ
.....
جَدِّي كانَ هُنا
والأحصنةُ التي تُحمحِمُ بالشوقِ المفرودِ 
في صدورِها كظلِّ الشمس
والذئابُ الوديعةُ 
التي تصادقُ الأغنامَ 
وتقتسِمُ معها رغيفَ الناي
وأصابعُ الجِنِّ.. 
تحرثُ شعرَ رَملِهِ 
لِتُنجِبَ الأساطيرْ
.....
الجبلُ.. 
بيتُ المطرودِينَ من خَواءِ الصَّلصالِ
إلى فتنةِ الريحْ
بيتُ المنبوذِينَ من قهقهاتِ الوَجَعِ
إلى ابتسامةِ الجرحِ الوديعِ
بيتُ الوضوحِ المنفلتِ من مَرايا الالتباسْ
كلما ناديتُهُ.. 
جاءني يسعي 
على قدمَينِ من ذاكرةِ الوقتِ
وكلما هتفَ باسمي..
بسطتُ جَناحَينِ 
من لغةٍ بيضاءَ لم تُمَسْ
و أتيتُهُ - طوعًا - بمحبةٍ عارمةٍ
أبُثُّهُ نجوايَ
أُفرغُ أحزاني على كتفِيهِ.. 
وأَمضِي
....
الجبلُ.. 
عجوزٌ يرتِّلُ هيبتَهُ 
ويرقبُ الأيامَ من كُوَّةٍ بعيدةٍ
قديسٌ يبتهلُ 
فتنيرُ خلوتَهُ الأقمارُ الطِّفلةُ
فارسٌ يضربُ الهزيمةَ 
بسيفِهِ
ويجلسُ في صحبةِ الطيرِ
يُغنُّونَ 
لمجدِ الحبيبةِ الآتيةِ،
الرعاةُ يُلملِمونَ النورَ في جيوبِهم
ويَتحاطبونَ في ميدانِ دهشتِهِم الفسيحِ
فيفرحُ اللهُ 
ويبتهجُ بطبيعتِهِ البِكْرِ
قبلَ أن تبدأَ غوايةُ الماءْ

الاديب احمد محمد إسماعيل 

محمد ابو العبادي

مش عتاب

كل كلمه من كلامي
مش ملامه
مش عتاب
د اللي كان رابط قلوبنا
داق معاكي الإغتراب
من جحود قلبِك وغدرك
والبلاده اللي ف مشاعرك
من جحودك
من غرورك
كل ثانيه بيعلا سورك
لمّا أجمل شئ ما بنّا
حس طعم الإكتئاب
كل كلمه من كلامي
مش ملامه
مش عتاب
د الغرام من بدري غاب
أصله كان من يم قلبي
من طرف واحد وذنبي
إنّي مُخلص
والوفاء عنواني دايما
أمّا قلبك ..
كان أناني
تضحكي من جوّه روحك
عز قلبي ما كان يعاني
كنتي تبقي معايا لكن
بصّه ناحية حد تاني
حد تالت
حد رابع
حد ألف
كل لحظه دق قلبك
ع الجميع لازم يلف
يا حبيبتي بجد أسف
قلبي م اللحظه دي خف
من غرامك
من خيانتك
من عذابي
م النهارده قفلت بابي
ح احضن الفاضل ف قلبي
واسترد سنين شبابي
إنما مع دنيا تانيه
دنيا أبعد من عينيكي
دنيتي ما بقيتش ليكي
قلبي مش لعبه ف إيديكي
بعد إحساسي اللي عشته
لما دوقت الطعنه مِنّك
قلبي ملكي م النهارده
مش ح يبقى تاني مِلكك
داللي طب أسير ف فخّك
إنتفض م الأسر سافر
برّه كونك للبراح
م النهارده مافيش جراح
أو تعاسه
أو أهات
م النهارده السقّا مات
يعني وردك بكره يدبل
يعني قلبك بكره يندم
ع اللي فات م الذكريات
د اللي كان أبيض ما بنّا
من إيدين الغدر ..
مات

محمد ابو العبادى

فكري حسن

ياحلو . . .   

جمالك والله اسر قلبي 
وعيونك والله أرى بيها 
كل الحلو منك والك 
أنت الحبيب مافي غيرك  
ياحلو ردك علي 
يلهب قلبي ويوجعني 
حسك حلو يا بعد عمري 
فديتك وانت الغالي 
وإحساسك العالي 
تسلملي ويسلم قلبك 
تدلل ياحلو من حقك 
تدلل وخذ قلبي لقلبك 
من حسنك انا ماعدت اقدر
 أسمع كلامك وما أ تأثر 
حلو كلك ومابقدر عنك أ تأخر 
داري بعيدة عن دارك
لكن ياحلو . . .  ابغى وصالك
ياحلو اوعاك تغضب مرة مني 
ساعتها ماراح اسامحك 
لأني ياحلو ..أظن إني حته منك.

                
           'فكري حسن 

محمد احمد اسماعيل

الباقي من الزمن
تلات عيال وامهم
تعالى شيل همهم
على قد رزقي الحلال
..
الباقي من بكايا
وجعين نص الحكاية
ونابين وحشين عفايا
غارزين ف دمي اللي سال
..
الباقي من ضحكتي
سرسب وانا باتِّكي
من بين خروم فرشتي
كالمية من غربال
..
الباقي من الحقيقة
صورتي وانا شيخ طريقة
دايخ من التحليقة
في دايرة الأهوال
..
الباقي من روحي
قمرين على سطوحي
يتامى ضوُّوا جروحي
رغيفين وصابهم هزال
..
الباقي من لوني
خطين سواد كوني
شالوني حطوني
في غربة الترحال
..
الباقي من الحياه
ما يقيمش فيَّا حياه
بعته ف وطن.. وحياه
باعني متاع ف شوال
..
الباقي من الشجاعة
شبرين وهم وقناعة
وباقول وَرَا الإذاعة
أنا عال.. وعال.. وعال
..
عمري اتدفع بقشيش
والباقي مني ما فيش
غير بصمتي ع الفيش
في صحيفة الأحوال
..
الباقي م الباقي
عيني رأت مائي
سايح في أشلائي
وخسرت رأس المال
..
مين اللي دفع التمن
في المشهد اللي اتدفن
وسط الركام والعفن
ما لقيشي فينا رجال
..
يا سيرة مكسورة
محفورة ع القورة
ولا بذرة في البورة
طالعة برزق عيال
..
فاتلموا ع المصطبة
واستحلوا في الطبطبة
يا اللي رضيتوا الوَبَا
يقتل بنات الخال
..
قلبي اتملا واكتفى
م الهم لما اتكفى
ولا فيشْ نفر قال: كفى
يا سطوة الأغلال
..
الباقي من حدودي
صبار ف ضلوع جدودي
شايل نشيد وجودي
من خطفة الموَّال
..
الباقي من كلامي
حرفين حافظين علامي
من حربي ومن سلامي
ناطقين خَرَس قوَّال
..
الباقي من شيطاني
متشعبط فوق حيطاني
مِسْتعبطني ف رِطاني
وضربني في الأمثال
..
الباقي مِنِّي ومِنَّك
سِنِّي سابق لسِنَّك
لكن.. وكإنِّي إِنَّك
أَنّيت على كل حال

شعر محمد احمد إسماعيل 

مصطفى دسوقي

الشيطانه 
الشيطانه جاتلي وقالتلي
سيبلي نفسك
سيبلي نفسك بس ليلة
هي ليلة وهتبقي
 ليلة من ألف ليلة وليلة
قولت ليها : لاء إستحاله
إستحاله إني أهودك
إستحاله أسمع كلامك
وأرتكب ذنب الرذيلة
نفسي فيك يا جمل
يا أبو السنام عالي 
صحيح أنا أحب المُغامره 
والعالي يوطالي 
بس الحلال غالي
وإن كان لحمك
رخيص في الدُنيا 
ف يوم الحساب غالي
بتتأرجح
بتتأرجح وتتمايل
وتتساقط ثمار منها
وتتحايل
على الموجود يشيل منها
وأنا موجود وبتبتر
وتندهلي تعالى شيل
تعالى شيل
وأرد عليها مش شايل
منيش شايل
ثمارك واقعه
للعاجز وللضعفان 
وللي يا عيني
مش طايل
وللي شيطانه منه إتملك
وأنا في نعمه
وأنا في نعمه
وربي لوحده 
ليه الفضل والمنة
ولو حابب
 هجيب من فوق
م أنا معايا يا بنتي حلالي
ف إبعدي عني يا بت أحسلك
ده لو تديني تقل جبال
الدنيا مال والله م أجيلك
ولا حتى هبُص في وشك
تحبي الحق
ولا تحبي إني أغشك
مهيش فارقه معايا كتير
تحبي الحق ولا الغش
أنا يا بنتي ماليش غير وش
مهيش فرقة وشوش ويايا
أختار منها اللي أعملك بيه
ب أقولك إيه
إبعدي عني بقى وإنسيني
ومن راسك يا حلوه شيليني
إرمي الهلب في مكان تاني
مفيش رجا م اللي بالك فيه
ب أقولك إيه
إبعدي عني وسيبيني في حالي
مالك يا بنتي إنتي بس ومالي
ما صدقت إنصلح حالي
سيبيني في طاعة الرحمن
ده أنا إنسان أنا بني آدم
وبني آدم أكيد خطأ
وأنا ذنوبي ماتتعدش
مرصوصه راق 
كده فوق راق
وأنا عشمان
عشمان في ربي 
أنا وربي يقبل 
مني أنا توبتي
يمحيلي كل أخطأي
ويغفر ليا أنا ذنبي
عشمان في ربي أنا وربي
عشمان في ربي أنا وربي

مصطفي دسوقي

بقلم الشاعر الكبير محمد أحمد إسماعيل

الفلاح المصري 

الفلاح أصلي وفصلي
جدر الروح وعمود الخيمة
ف وطني الأصلي
عنوان مصر وشَدة حيلها
ضهر الخير مفرود على نيلها
شمس العزة اللي بتشرق على أهلي
أول إيد بالجود تتمد لكل الناس
أول باب ع الخلا مفتوح
ولا له حجَّاب ولا له حراس
تسبيحُه شقاه وغيطانُه الجاه
زرعُه صِباه وعروقُه حياه
عَرقُه اللولي ومية محاياه
ودراعه الفاس
و ف وقت العوزة بيبقى سلاح
أول في الصف ف كل كفاح
ولا كَلّ صفاه
ولا مَلّ عطاه
وتكالُه تملي على مولاه
بساتين القمح ف أرض الله
والقطن الضاحك ضيا ونّاس
والنخل العالي وضله وسيع
والصحرا يخطي عليها بتبقى الربيع
...............
سلطان نفسه وملك الأيام
وعنيه فدادين غلة وأحلام
ع النيل حكاياته مبدورة
أصل وحواليه مليون صورة
طول عمره مصاحب لشادوفه
ولا ضل طريقه ف يوم شوفه
يسقي الأيام من ندا جوفه
وينام تحت السما والسما ساتراه
في الحرب محارب له سطوة
في البُنا بنَّا وصاحب خطوة
والفلاح روحه طرية زي الخص
وزي التوت
لو روحه أسيرة بتموت
حُر ويفرح لما بيبني لنا
من ضِلعُه المَحنِي بيوت
ـــــــــــــــــــــــــــــ

محمد أحمد إسماعيل 
عيد الفلاح المصري وتاج راسنا 9 سبتمبر
اللوحة جدارية للفنان المصري محمود مختار

شعر عادل تمام الشيمي

.
.القلب الابيض..
     

.القلب الابيض اهواهُ
     اسمع انين شكواااه.ُ..!!
.اراه يبكي فيؤلمني...
      ودموعي ف قلب عيناااه.ُ.!!
.يضحك فيبتسم الزهر..ُ
       ويضيء الكون ثناياااه.ُ
.وجه قد عانق القمرَ
      والنور في قلب محياه.ُ
.******
.القلب الابيض ينسيني
         والوجه الابيض وياااهُ
.لا اعرف حزنا في الدنيا
       ولا معني عندي للااااااهُ
.يمسح همي من نفسي.
       وروحي تسكن جواااااه.ُ
.فظلام الليل قد ولي...
      وسهد النوم انساااااه.ُ..؟!
******
.القلب الابيض اعشقهُ
      واعشق منه ذكرااااهُ
.وزمن قد فات وولي..
      وفي صدري حفر مجرااااه.ُ
.فلن انسي ابدا قلبا..
       عشت السعد بحضناااااه.ُ؟!!
.زرع الورد في روحي..
       وثمار الشوق جنيناااه.ُ.!!
وملانا الكون افراحا..
      وف قلب الكون زرعناااااهُ..؟!
.ولازال قلبي مبتسماً
       رغم سهاااد.بعدااااه.ُ.!!

شعر/عادل تمام الشيمي...مصر...

    
      
.

   
      
.

بقلم يونس ونيس مجلع ---ايطاليا

رساله محبة في التعايش وقبول الاخر 

 حكمة التنوع


ياللى مش شايف الحقيقة فى التنويع ------- بص على الخليقة و دقة التصنيع

المكان صحرا و خضرة و بحر وسيع ------ الزمان كأبة خريف و بهجة ربيع

النجوم باهت و مضئ و لامع و لميع ---- واللى تشوفه بطىء وهو سابح سريع

و الطبيعه بتسبح و لمولاها بتطيع ----- امطار ترمح للبحار فى انهار و تفاريع

-------------------------------------------------------------------------

البشر طويل قصير تخين و رفيع ------- ابيض اسود اصفر احمر و الكل بديع

الكل من ادم بالشرع و والتشريع ------------ فيهم بانى وهادم و ورع و مريع

منهم اللى كلامه واحد والتانى تلويع -------- و توائم ينبغ واحد و التانى يصيع

و لكل واحد طبع يغلب التطبيع ------- و لو شكلنا واحد كان الملل بقى فظيع

------------------------------------------------------------------------

خلى قلبك يحب الخير وحسن الصنيع ---- و القريب و الغير ولو امكن الجميع

الصدر الرحب ملايين البشر يسيع ------- و الضيق من كلمتين يتعثر و يضيع

خلى حياتك واعمالك للسلام مشاريع --- بكل امكانياتك وافعالك مش بالمواضيع

اللى حبايبه كتير قلبه فى الحب شجيع -- تعرف من غير تفكير انه محب وديع

بقلم يوسف ونيس مجلع --- مصر   

بقلم جمال حلمي ابراهيم عامر

آه يازمان 

آه يازمان 
كنت بشوف 
ناسك
على الفطرة 
 شيم ورجال ..
وكنت بشوف 
قمم وفطاحل
شغاااالة سهر 
 ماتنام ....
آه يازمان من 
من الشخص  
اللى بياكل 
بلوي الدارع
 هجام .....
لا كنت بشوف
 أيد بطاله
ولا عايشة النهار 
زخم .... وكلام  .
كنت بشوف 
ناسك يازمن 
عرقانه 
علمونا العرق
للوصول للغال ...
وكنت برضة 
بشوف الصبر
قانون حفظينة
في القلب
ليهدوا به 
المستحيل المحال  ....
آه وأه يادنيا 
رجعتي 
خطوات كتير
للخلف مش قدام ..
لا عنت شايف 
عباقرة زماني  
ولاعنت شايف
خير المثال ...
لكن بشوف رؤوس
      عدمانه 
أوصة ودفيرة 
وشغل جنان .....
ماشي بتكعبل 
ف دنيتي 
ف عز الضهر 
ف لبس مقطع
يمين كدا وشمال ....
اقف مكاني 
مذهول وربي 
والعقل مني 
يطير  فوق
سفوح الجبال ..
جيل مستورد 
بتشوفة عنية 
تزرف صلب 
ف الحال .....
ديما يادنيا 
أسئل نفسي 
كتير  
فين الأب 
فين الربان . ؟ 
بسمع عنهم 
ف الحارة 
وف الشارع 
ناس علامة 
ف الحكي 
والأفلام  ...
بيقولوا احلى 
طأطوءة
تروي البدن 
العطشان الظمآن .
خلاص ... يادنيا 
كرهت نفسي 
وكرهت 
الراجل 
الوحش 
ال سايب
بيته مهلهل
ف كل ركن 
من الأركان .....

................ خلص الكلام  ...................
بقلم جمال حلمي ابراهيم عامر 
....................... ..............................

بقلم الشاعر الكبير محمد أحمد إسماعيل

عارف يا مجدي

عارف يا مجدي
وانت شايل أحلامك الصُّغيرة
وقصايدك الفايرة
ف جيوب قلبك الطيب
وعنيك شايفة آخر نقطة في المشوار
واحنا بنجري مع بعض ف نفس السكة
وانت بتجري.. وتنهج.. وتضحك
وكنت تجيني ف بلدي البعيدة

وتطلب حلبة حصى
وتزعَّق معايا علشان القهوة والسجاير والغربة
اللي كنت باشربهم بِنَهَم
لحد ما قلبي تشقّق
ودايما كان بيننا.. أمي وأمك
وشرودنا ف لحظة واحدة
إزاي ح نقدر نسعدهم واحنا تُعَسَا
وازاي هنشوف مصر قبل ما نموت
واحنا فرحانين بالثورة
وقلوبنا كانت أوسع من الميدان
كنت باحسدك
لأنك شايف أكتر مني
وروحك سبقت رجليك
ووصَلت هناك..
من غير حتى ما تْسَلِّم
ولا توصِّيني وصية أخيرة على مصر
أمانة عليك وانت هناك
إبقى انده على روحي
يمكن أتشعلق على صوتك وأجي لك
وارتاح من القهوة والسجاير والغربة

نقعد على دكة بعيدة من خشب الأحلام اللي ما تمتش
فِ ضلة أمي وأمك
اللي أكيد بقوا شجرتين في الجنة
نكَمِّل حكاوينا.. ونضحك
واحنا بنشرب كوبايتين حلبة حصى
..
..
مع السلامة يا صاحبي

بقلم محمد أحمد إسماعيل 

بقلم حسن الشوان

 نزوة جميلة

يا جمالك تحت النقاب
عيونك  بتشرح وتقول
إحساس بيخبط ع الباب
و قلبي  بيكي  مشغول
كحل عيونك نور جذاب
وحواجبك شرحها يطول
إحساسك جالي ف جواب
وحس قلبي بيكي ع طول
من دلالك تحت الجلباب
وسحر نظراتك   الجميل
ونبراتك خلت قلبي طاب
وتسبيلة عينك اكبر دليل
خليتي قلبي  يعود شباب
والإحساس   جواه  يميل
نظراتك  ذادتني   أعجاب
وشغلتني في النهار والليل
المشاعر متعرفش حجاب
والإرتياح ميعرفش تقويل
الخوف من الشعر اللي شاب
ولما  تبعد بعيد عن الأصول
وتعيش  في  وهم  وسراب
نزوة  جميلة  وجعها  يطول
ح تبقي  ذكرة  في  الكتاب
ورنين الذكره عمره ما يزول

...حسن الشوان 

أحمد طلبة

لسه الحنين موجود

لسه الحنين موجود

لسه الفراق بيوجع

رغم انه مش موجود

افتكره عيني تدمع

رغم اني مش فارقه معاه

مرتاحه ولا صحيح ضحيه

هعتبره ماضي من الحياه

ماعرفش معني المسؤليه

ماعرفش معني الأحتواء

لقلب كان صابر عشانه

أظن إن من الغباء

أشحت واتحايل حنانه

رغم إني مش فارقه معاه

بسكت وأكتم وجعي فيا

سوء إختيار متقبلاه

ولا حد له دعوه بيا

رغم اني مش فارقه معاه

مرتاحه ولا صحيح ضحيه

هعتبره ماضي من الحياه

ماعرفش معني المسؤليه

==================

أوقات بيبقالي السكوت

أحسنلي من وجع الكلام

بهرب من اللي أنا فيه بموت

واكتم أنا فيا وانام

علشان احس بإن روحي

قدرت تداوي الجرح فيا

ياخساره صبحتلي طموحي

إن انسا حد عزيز عليا

محتاجه وقت عشان أفوق

وأحس إني حد تاني

محتاجه فتره من الهدوء

أبدء معاها عمر تاني

وكفايا ضاع عمري لرضاه

كفايه وجع  الصدمة ديا

غلطه بإني مشيت وراه

غلطه دي كل الطيبه فيا

رغم اني مش فارقه معاه

مرتاحه ولا صحيح ضحيه

هعتبره ماضي من الحياه

ماعرفش معني المسؤليه

===============

احمد طلبه

بقلم شاعر العامية الشاب مصطفى دسوقي

أنا علشانك
سيبت الدُنيا وقُلت سلام
أنا في هواكِ 
قُلت الحُب حلال وحرام
شوفت عنيكِ 
قُلت أكيد الحُب حلال
شوفت القسوة
قُلت الحُب حرام وضلال
وإنتِ بعيد 
أنا كُنت باقول
 النار وخداني
وقُلت في بالي
إني هلاقي الجنة في قُربك 
بس لقيت الجنة في قُربك 
نار دور ثاني
زي م أكون بعد الإسلام
أعلنت الكُفر 
وإني حرام حتى التفكير
في دخولي الجنة
زي م أكون أنا مش إنسان
من لحم ودم
زي م أكون أنا مش إنسان
ولا من حقي إني أتهني
ليه الكُره؟ وليه الحقد؟
وليه الظُلم؟ وليه القسوة؟ 
وليه الغدر في نون النسوة
جِدر مأصل؟؟؟
قادر يوصل سابع أرض
إلي القِلة 
وليه سموها يا ناس ب الأفعي؟
وليه الطيبه خيبه وعيبه
وصفه مش نافعه؟؟؟!!!
رغم الطيبه محبه وهيبه
بس حقيقي أنا مش ندمان
ولا زعلان على عيشتي معاها 
وصبري عليها
يمكن ربي يكفر بيها عني ذنوب
أو يمكن رحمة يا ناس في الأخرة

بقلم الشاب  مصطفي دسوقي.