جدبة فرادية
نكتب من لوزان ما يخفف
على النفس ؤ يعطيها ترويح :
حيرني هم الدنيا رافدني
بالتقل خايفه الا يطيح
الزمان بيا براح امكحل
الشوفة وعليا شحيح
ما خلى غير ليعتو وشحال
منهم من قصتي فرشو تسريح
حالي فات السمع بنغزة ؤ بشلا هوال
لسانهم مطلوق بالشين ؤ لمليح
دارو من لكلام شريط مفثول
عدوه حساب التسبيح
ما حشمو ما راعاو
امگرگين لكدوب خضانة حسبوه صحيح
راه قد ما طال الدفى
يخرج الفلوس من البيضة صريح
اللسان يجبد العار ويدير لعداوة
راه الريحة باينة فارزة لخزامة من الشيح
زينة هاد لوصاف
الفم راوي ينطق بيما فيه مليح
حال لقصيدة مطول
ؤ حالي مزال بالحروف ايسيل جريح .
بقلم الطير الحر
الزجال محمد زرواني
ليست هناك تعليقات:
إرسال تعليق