الكل بيعمل بلياتشو
وأنا وحدى حاعمل أرجوز
هتشوفو نتشيه من نتشو
وسع أنا باضرب بالجوز
حرفوش مولود فى السبتيه
واعى وباحب الملاغيه
وإن شفت سمره معذيه
على طول راح أسبل فى عنيه
تتكعبل هى فى قشره موز
أرجوز إنما لعيب وخطير
غاوى انا تأميز وصيد عصافير.
واسألوا عنى بنات النيل
هيقولوا مواويل من غير تلحين
أرجوز أرجوز...إنما عنتيل
سياطى من أسوان لمصب النيل
وأنا ليه تاريخ خليكو عرفين
أوقات تلاقونى جوه ميدان
ما أنا واد ثورجى وكمان فنان
خادت الأحلام من عمرى سنين
أرجوز أرجوز ومانيش كذاب
ولا احب انافق اى لائيم.
عندى حكايات مليانة آهات
ودموع وحنين عيزين تسمعو
ادبحو قرابين تفهمو مخلوق
منحوت من طين
حبة ملاعين بعيون جامدين
رؤسكم فى الطين عاملين فاهمين
أرجوز أرجوز لأ، مصرى فقير.
😅😅😅😅😅
بقلم نبيل العادلي
