* والله لا ربح اللي قطع لرحام*
طالت ولاقصارت ليام،
بقيتو ولا حركتو لخيام،
فقتو ولابقيتو نيام،
راكم غير خرافة واوهام!
لمغاربة لحرار ديما لقدام!
بقيتو ولا حركتو لخيام،
الصغير فينا يحمل لعلام،
والكبير يقريه السلام!
طالت ولا قصارت ليام،
غادي تعرفو بحق الامام
اللي عطاكم فرصة الوئام.
ضيعتو شلا وقت،شلا احكام،
نسيتو الحق نسيتو جدودنا لقدام،
واش البلدان تعمرها لخيام؟
واش الغراب يبشر بالغرام؟
الناس زايدة في حب واحترام،
وانتما ناشفين عام على عام.
العالم ربحوه الناس بالالتزام،
ماشي بالفصالة والتقزام!
يهديكم الله ياتريكة الاقزام،
رجعو للطريق ترجع ليكم ليام،
والله..والله لاربح اللي قطع لرحام!
بقلم:مصطفى ززاف
5ابريل2018
